Bunyag sa anak ni Jennylyn nabulabog

Wa mahimutang ug puwerting hilaka ni Jennylyn Mercado sa bunyag sa iyang anak nga si Jazz niadtong Sabado, January 24, sa Christ The King Church, Pasig City gumikan sa kalit nga presensiya sa pipila ka mga photographers, butang nga wala niya mauyoni.

 “Hindi ko alam kung paano ninyong nalaman ito. Ayoko ng ganito, please maawa na kayo,” butyag pa ni   Jennylyn nga naghilak ngadto sa mga photographers.

Matud pa sa taho sa abs-cbn.com nga gusto diay ni Jennylyn nga pribado ang pagpa-bunyag sa iyang anak busa nakurat na lang siya kay paggawas niya sa simbahan dunay pipila ka mga photographers ang sekretong mikuha og hulagway kanila.

“Irespeto naman po sana ninyo ang binyagan. Ayoko po ng media at this time dahil hindi naman artista ang aking anak!”   butyag pa sa aktres.

Puwerting lagota nga gipa-papas ni Jenn ang mga nakuhang hulagway sa pipila ka mga photographers .

 “Lahat ng mga naririto at iba ko pang kaibigan na inimbitahan ko ay alam nila kung ano ang gusto kong mangyari. Bakit ganito,” nagkanayon ang aktres.

Ai-ai ug Sharon mag-uban sa usa ka pelikula

Sa unang higayon, mag-uban sa dili madugay ang Box-Office Queen nga si AiAi de las Alas ug Megastar Sharon Cuneta alang sa usa ka Mothers’ day presentation movie sa Star Cinema . Mo-direk sa maong pelikula ang director ni Ai-ai sa    “Ang Tanging Ina N’yong Lahat” nga si Wenn Deramas.

Baron ug Jake nag-peace na!

Nag-uli na sa maayo nilang buot sila si Baron Geisler ug Jake Cuenca human sa gihimong private meeting alang sa duha . Kung kahinumduman nga nagkabangi ang duha sa backstage sa ASAP ’09 sa miaging semana gumikan sa giingong pagsabyag ni Baron og dautang mga istorya batok kang Jake.

Luis isip  “Flash Bomba”

Gipaabot nga usa ka superhero character ang dalhon ni Luis Manzano alang sa umaabot nga episode sa ABS-CBN’s Mars Ravelo’s Komiks Presents “Flash Bomba” . Si Roxanne Guinoo maoy ka-partner ni Luis sa maong episode.

Gab guest sa concert sa iyang GF Rachelle

Nasayran nga special guest si   Gab Valenciano sa umaabot nga concert sa iyang girlfriend nga si Rachelle Ann Go karong January 31 sa Musics Museum nga nag-ulohan og Rachelle Anne Falling In Love. Gitouhan nga daghan ang makilig sa production number sa duha.

Janina mi-audition aron lang ma-partner si Richard

Nabaniog karon nga gidagsaan og maayo ang audition para sa leading ladies ni Richard Gutierrez alang sa bag-o niini nga TV series sa GMA-7. Duha ang pilion nga leading ladies gumikan kay gikinahanglan kini sa istorya. Migawas karon ang tsika nga usa sa milinya sa maong audition ang sikat nga beauty queen nga si Janina San Miguel.

Iza ug Karylle pareho’g spiritual adviser

Matud pa nga dili na angay ikahibulong nga parehong dali maka-move on ang mag-bestfriend nga sila si Iza Calzado ug Karylle sa mga kapakyasan nga ilang nahiaguman kabahin sa gugma kay susama diay sila og spiritual adviser diin usa kini ka priest director.