Dra. Belo motingog sa Startalk

Gitakdang mulugwa karong hapon sa Startalk si Dra. Vicki Belo aron klaruhon ang mga hungihong tali nila ni Hayden Kho. Sa maong interview nga gihimo didto sa Peninsula Hong Kong, walay pag-lipud lipud nga gitubag ni Belo ang mga pangutana nga hagbay ra nga gipangitaan og tubag sa publiko. - Darling Chyrmyth Wagas

Eugene way labot sa Happy Together season 2

Gikatahong dunay ikaduha nga season ang programang Happy Together sa TV 5 . Migawas ang tsika nga wala na’y labot ang komedyante sa maong programa gumikna kau hulipan na siya og usa ka laing bigatin nga artista. Hinoun dili kini angay nga ikabalaka ni Eugene sanglit duna man siya’y laing proyekto sa GMA-7 diin nalakip siya sa seryeng Ang Babaeng Hinugot sa Aking Tadyang nga bidahan nila ni Dingdong Dantes ug Marian Rivera .

Nadia dunay balatian sa mata

Tsika pa ni Nadia Montenegro nga dunay balatian nga gihambin ang iyang mata busa kinahanglan kini iagi og   operasyon .Human sa operasyon kay dunay pa’y sunod nga mga procedures aron malikay siya sa pagkabuta. Bisan pa man niini , dili siya affected emotionally aron mas malign-on pa ang iyang kaugalingon sa pagsagubang sa nagkadaiyang problema sa iyang kinabuhi.

Eric Quizon busy sa negosyo sa Hongkong

Napalantawan nga dili na intresado sa showbiz si Eric Quizon sa showbiz gumikan ka gi-career na ang pagka- businessman nini nga dunay kalabutan sa entertainment nga nagbase didto sa Hongkong. Ka-partner ni Eric sa maong negosyo si Nanette Medved ug ang bana niini. 

3 QTV shows nakadawat og pasidungog sa   2009 New York Festivals

Tulo ka mga programa sa QTV ang nakakuha og mga medalya sa 2009 New York Festivals (NYF) diin naglangkob kini sa Inno Sotto: A Special Fashion Documentary nga nakakuha og gold medal. Ang programang Chef To Go hosted by Chef Rob Pengson.    nakakuha og bronze medal .Samtang ang lifestyle talk show ni Lucy Torres nga The Sweet Life nakdawat og Finalist certificate.

Sugyot nga Marian-Vhong movie gitun-an?

Matud pa sa tsika nga gitun-an pa ang migawas nga mga tsika nga magkapares sa usa ka pelikula sila si Marian Rivera ug Vhong Navarro. Busa daghan ang naglaum nga matinoud ang nahisgutang hungihong gumikan kay pareson ang duha nga mag-uban sa usa ka comedy film. Hinoun wala kini maapil sa listahan sa gikatahong tulo ka mga pelikula nga himoon ni Marian sulod karong tuiga.