Binabatikos!

Ang daming tuma­tawag sa aking radio program na nagbibigay ng kanilang reaksyon sa pasya ni Rustom Padilla na maging isa nang babae.

Merong natutuwa pero mas marami ang nagagalit dahil sabi nila, parang kasiraan na siya sa kanyang pamilya dahil puro barako raw ang mga kapatid niya.

Meron pa nga na nagsa-suggest na sana i-ban siya at huwag payagang mag-guest sa TV dahil wala naman daw value ang kanyang ginawa. Okay sa kanila ang mga bading, ang ayaw nila ay yung pagdadamit babae nito gayong isinilang siyang lalaki.

Huwag naman! Sa atin siguro walang kahalagahan ang kanyang ginawa pero isa yung pagi-express ng kanyang sarili. At hangga’t wala siyang sinasaktan na sinuman sa kanyang ginagawa, hayaan na lamang natin siya sa kanyang pasya. Okay ba, BB?

* * *

Malapit nang husgahan ang When I Met U nina Richard Gutierrez at KC Con­cepcion. Palabas na kasi ito sa Pebrero 11 kahit pa Valentine presentation ito ng GMA Films at dinidirek ni Joel Lamangan. Balitang binubusisi ito at pina­ga­ganda para hindi mag-suffer in comparison sa unang pelikula ng dalawa. Kung yung una ay kinunan sa abroad, mga magagandang lugar naman sa bansa kinunan itong pangalawa.

* * *

Nakakalungkot din at nakapanghihinayang at the same time na hindi naging entry sa Oscars ang Ploning ni Judy Ann Santos. Ginawa talaga ni Juday ang magagawa niya para lamang makasali sa prestihiyosang Oscars pero hindi naman kasi madali iyon.

Nangangailangan din yun ng malaking halaga at alam din natin na may pulitika sa ganitong mga bagay and Juday could only afford so much. Oh well, try again next time. Meron naman tayong magagandang projects, kailangan lamang talaga, mahaba-habahg panahon at malaking pera para ito maisakatuparan.

* * *

Totoo naman kaya yung paratang ng former Gobingo Girl laban kay Polo Ravales? Kung hindi, bakit nagsasawalang kibo lamang ang aktor gayong nasisira ang kanyang pangalan? Dapat mabigyan ito ng linaw dahil hindi lamang sina Polo at ang girl na nagrereklamo ang nasasangkot, nadadamay na rin ang mga former girlfriends ni Polo.