John walang pakialam kay Shaina kung magparetoke ng katawan
Tinawagan agad ni Shaina Magdayao ang boyfriend niyang si John Prats nang kumalat ang balitang nagpa-enhance siya ng boobs. Tinanong niya ito kung naniniwala ba ito sa balita.
“Siyempre, hindi noh! Siya pa, eh alam ko namang takot siya sa injection, although kung gagawin niya, karapatan niya yun, wala akong magagawa, ’di ko siya dapat pigilin,” anang aktor.
“Sa totoo lang, natutuwa lang ako dahil nabalita gayong hindi naman totoo, siguro ngayon lang talaga nadi-develop ng full ang body niya,” reaksiyon ng aktor who has a wonderful Christmas celebration because of Shaina.
“We spent it together, pumunta ako sa kanila on Christmas Eve but on Christmas Day kasa-kasama namin ang families namin,” dagdag pa ni John.
Oo nga pala, inaamin na ngayon ni John na naging sila nga ni Heart Evangelista pero siya raw ang humingi ng cool off dahil nasasakal na siya sa sobrang pagiging selosa nito.
“Bata pa kami both noon, I was only 19. After the cool off saka ko na-realize na mahal ko pala siya, binalikan ko siya pero ayaw na niya,” paliwanag pa ni John na tumangging pabling siya. Image lang daw ito, pero actually one-woman guy siya.
* * *
Nasa ika-apat na taon na ng pagbibigay ng awards ang No. 1 music channel, ang MYX. Magaganap ang latest nila sa ABS-CBN Dolphy Theater sa February 26.
Magtatagisan ng galing ang pinakamalalaking pangalan sa Philippine music industry sa 19 na mga kategorya. Nanalo ng apat na trophies noong 2008 ang Pop Princess na si Sarah Geronimo. Pito ang nominasyon niya ngayon.
Sunod naman ang rock band Sandwich na may anim na nominasyon at ex-Rivermaya vocalist Rico Blanco na may lima. Sina Christian Bautista, Erik Santos, Ogie Alcasid at Richard Poon ang makakalaban ni Rico para sa Favorite Male Artist category habang ang 6Cyclemind, Callalily, Pupil at Sponge Cola naman ang makakakumpitensya ng Sandwich para sa Favorite Group.
Ang international singing sensation na si Charice Pempengco ang isa sa mga contenders para sa Favorite New Artist na kinabibilangan din nina KC Concepcion, Nancy Jane, Rico Blanco at Taken By Cars. Samantalang ang mga kontrobersyal na showbiz personalities na sina Karylle at Marian Rivera ang kasama sa Favorite Guest Appearance in a Music Video category. Nominated din dito sina Bembol Roco, Billy Crawford at Glaiza De Castro.
Panoorin ang MYX sa Skycable Channel 23 at mag-log on sa myx.tv para sa mga updates ng MYX Music Awards 2009.
* * *
Ang galing naman palang umarte ni Derek Ramsay. Napanood ko siya sa Maalaala Mo Kaya, Boarding House episode, nung Sabado at nagpamalas siya ng isang kagalingang worthy of an award. I’m sure kung hindi man manalo ay mano-nominate siya for his role sa alin mang TV award-giving body. Kaya naman pala binigyan siya agad ng follow up role ng Dos after Ysabella pero sayang at hindi pa ito napapanood. I’m sure marami ang matutuwa dahil talagang bagay at may chemistry sila ni Judy Ann Santos.
Tinatanggap ko rin na malaki ang naitulong sa kanya ni Coco Martin para lalong mapansin ang kanyang pag-arte. Magaling din kasi ang tinaguriang prince of indie films na kahit medyo simple ang atake sa kanyang role bilang gay na umiibig kay Derek ay nagawa niyang mapalutang ang kanyang character at makuha ang simpatiya ng mga manonood. Ang bentahe ni Coco ay baby face siya at parang gusto mong kanlungin. In any case, nakapagpakita na naman ang Maalaala Mo Kaya ng dalawang kabataaan pero magagaling na aktor.
- Latest
