Diether wala na uling career

Seen : Ang pahayag ni Liezl Martinez sa Philippine Star kahapon na perfect health ang idea niya ng perfect happiness. Matagal nang hindi nakikita si Liezl sa mga showbiz event dahil sa kanyang karamdaman.

Scene : Ang duda ni Karen Davila na may demolition job laban sa kanya dahil sa mga paninira buhat nang maging TOYM awardee siya.

Seen : Ang interview kay Dra. Vicki Belo at ang statement niya na hindi sila nagkabalikan ni Hayden Kho, Jr. Malilimutan lamang ni Dra. Belo si Hayden kung magkakaroon ito ng kapalit sa kanyang puso.

Scene : Inaabangan ang paghaharap nina BB Gandang Hari at Carmina Villarroel. Hindi pa napapanood na magkasama sa mga TV show sina Carmina at Rustom mula nang aminin nito ang pagiging bakla. Payag si BB na gumanap sila ni Carmina bilang magkapatid sa isang proyekto.

Scene :  Ang pananamlay ng career ni Diether Ocampo. Umingay lang ang kanyang pangalan dahil sa balita na lilipat siya sa GMA 7. Hindi natuloy at hindi na matutuloy ang pagiging Kapuso ni Diether.

Seen : BB at hindi Bebe ang tamang spelling ng pangalan ng bagong katauhan ni Rustom Padilla.

Scene : Nagpoprotesta ang viewers ng Startalk. Hindi nila nagustuhan ang paraan ng pagtatanong ni Butch Francisco kay BB.Hindi raw iginalang ni Butch ang ‘pagkababae, ni BB.