Victor gustong mamigay ng milyones sa charity

Magsisimula this Sunday sa SOP ang four weeks na promo ng When I Met U at magpapalabas ng sneak preview ng movie nina KC Concepcion at Richard Gutierrez. Sa February 8, ang big promo ng Valentine’s Day movie ng dalawa sa direksyon ni Joel Lamangan na co-produced ng Regal Entertainment at GMA Films.

Marami pang ibang show ng GMA 7 at Q-11 ang lalabasan ng dalawa to promote their movie na showing sa February 11. Sa ABS-CBN, naka-schedule mag-promote ang dalawa sa Sharon, The Buzz, E-Live!, Wowowee, ASAP at Boy & Kris.

Walang pahinga sina KC at Richard dahil kahapon, maaga silang nag-shooting sa may New Manila and this Sunday, punta sila sa Sinulog at balikan ang drama nila. Bukas, hanggang last day ng shooting sa January 24 o 25, tuluy-tuloy ang shooting nila.

Samantala, end of this month ang release ng SonyBMG ng OST o Original Sound Track ng When I Met U na may solo version ng theme song si KC at may duet din sila ni Richard. 

* * *

Mapupuri si Mr. Vic del Rosario at ang Viva Concerts and Events dahil patuloy sa pagpo-produce ng concert ng local talents. Ang nakakatuwa pa, lahat ng produced concert ni Mr. Del Rosario ay patok sa takilya at sa tao.

Ang latest project ng Viva Concerts and Events ay ang The Great Balladeers nina Victor Wood, Jun Polistico at Anthony Castelo na gagawin sa Music Museum sa February 7, 27 and 28. Nag-promise ang tatlo ng isang masayang gabi na puno ng musika at kasiyahan at kasama sa kani-kanyang repertoire ang mga kantang kanilang pinasikat. Kabilang dito ang Mahiwaga ni Jun, Balatkayo ni Anthony at I’m Sorry My Love ni Victor.

Nalaman pala namin kay Victor na ibenebenta niya ang lahat ng kanyang ari-arian for P46 million. Kasama sa ibebenta niya ang kanyang 120 paintings kabilang ang Imelda’s Closet, master tape ng lahat ng kanyang albums at iba pang ari-arian. Ang 70 percent nang pagbebentahan ay ibibigay niya sa charity at magtatayo rin siya ng Victor Wood School of Music and Arts sa Antipolo at puwede raw siyang magturo ng piano.

Sa mga nagsasabing sayang ang pagbebenta niya ng kanyang ari-arian, sabi ni Victor, mas sayang kung mamatay siya dahil walang mag-aalaga.

* * *

May malaking pagbabago sa Season 2 ng Dear Friend na magsisimula this Sunday. Eight weeks na tatakbo ang bawat istorya at paunang episode ang Bulong ng Puso, tampok ang loveteam nina Jennica Garcia at Mart Escudero at Rich Asuncion at Dion Ignacio.

* * *

Patuloy sa kanyang mall tour si Lovi Poe to promote her Bloom album from SonyBMG. Nasa SM Sta. Rosa siya this Sunday kasama ang guest niyang si Chris Cayzer. Tuluy-tuloy ding mapapanood sa primetime show ng GMA 7 si Lovi dahil after Lalola, sa Ang Babaeng Hinugot sa Aking Tadyang naman siya kasali.