Rustom 'pinatay na'

Seen :  Hindi sinipot ni Mrs. Rose Flaminiano ang hearing ng kaso sa Pag-IBIG na isinampa laban sa kanya nina Aster Amoyo, Aubrey Miles at Maui Taylor. Nag-request ng reset ang kanyang abogado. Ayaw ni Mrs. Flaminiano na may media coverage ang hearing.

Scene :  Si Jericho Rosales ang bagong cast member ng Betty La Fea. Ang karakter na kan­yang gagampanan ang magiging ka-love triangle ng mga karakter nina John Lloyd Cruz at Bea Alonzo.

Seen :  Ang taos-pusong pasasalamat ni Geneva Cruz sa mga tao na nagtatanggol sa kanya at hindi naniwala sa tsismis na hiwalay na sila ni KC Montero.

Scene : Tapos na ang happy moments nina Janna Roxas at Alfred Vargas. Nagkukuwento na si Alfred tungkol sa kanyang true love, ang half-Filipina at Half-Italian girlfriend na si Yasmine. Better luck next time kay Janna.

Seen : Ang personality reinvention ni AiAi delas Alas upang hindi na siya gayahin ng ibang comedienne na nothing but a second rate trying-hard copycat!

Scene : Ang malaki at maraming pagbabago na mangyayari sa Artist Center ng GMA 7. Panahon na upang mapansin ang kanilang mga talent na hindi nabibigyan ng proper break. 

Seen : Ang cold treatment kay Billy Crawford ng  Walang Tulugan staff nang mag-guest siya noong nakaraang  Sabado. Hindi malimutan ng Walang Tulugan staff ang ginawa ni Billy kay German Moreno. Mapapanood mamayang gabi sa Walang Tulugan ang surprise guesting ng prodigal son.

Scene : Ang confirmed report na sasampahan ni Boy Abunda ng libel case si John Lapus. Enough is enough for Boy.

Seen : Unseen na ang Nuts Entertainment dahil pinatay na ito ng GMA 7. Magkakaroon ng  bagong show na ipapalit sa Nuts Entertainment. Ibabalik din ang Starstruck.

Seen : Ang paghahabol ng ABS-CBN sa TV coverage at rights ng Pops Fernandez at Martin Nievera concert sa February 6. Naiipit si Jomari Yllana dahil siya ang co-producer ng concert at nakipag-negotiate sa GMA 7, thru Airtime Marketing Inc.

SCENE : Si BB Padilla sa international airport kahapon. Si BB ay si Rustom Padilla. Babaeng-babae na siya. Pinatay at inilibing na ni BB ang katauhan ni Rustom.