Asia Agcaoili buntis!

Seen: Ang malakas na hiyawan ng Araneta Coliseum audience  sa VTR birthday message ni Gabby Concepcion kay Sharon Cuneta. May kilig factor pa rin ang kanilang ‘loveteam.’

Scene: Tutol ang mga kaibigan ni Paolo Contis sa  relasyon nila ni Lian Paz. Lalong na-in love si Paolo  kay Lian. Handa siya na patunayan sa lahat na mali ang  pagkakakilala nila kay Lian.

Seen:  Lumalaylay ang SOP. Kailangan ng revamp at reformat.

Scene: Ang hindi pag-iimikan ng dalawang miyembro ng EB Babes dahil kay Dingdong Dantes. Masalimuot ang kuwento.

Seen: Buntis ang  sexy star at FHM columnist na si Asia Agcaoili. She’s currently in Amsterdam.

Scene: Ang nagkakagulong fans nina Richard Gutierrez at KC Concepcion sa red carpet  presscon ng When I Met U sa lobby ng Century Imperial Suites noong Sabado.

Seen:   Ang ‘surprise’ guesting ni Billy Crawford sa 23rd anniversary celebration ng That’s Entertainment sa Walang Tulugan noong Sabado. Umiral ang pagiging ama ni German Moreno. Pinatawad na niya si Billy dahil sa paglipat nito sa ABS-CBN.

Scene:  Naiinip na ang fans ni Judy Ann Santos. Hinihingi na nila sa langit na mag-umpisa na ang Humingi Ka Sa Langit, ang TV series ni Judy Ann sa ABS-CBN.

Seen:   Ang get-together party mamayang gabi ng entertainment press sa bahay ni Senator Mar Roxas. Bumubuwelo na si Mar dahil buo na ang pasya niya na kumandidatong pangulo ng Pilipinas sa 2010.