Young celebs sa TRLE

Ang The Ricky Lo Exclusives (Enero 13 episode) ay magtatampok sa mga young celebrities na tulad ni Jennylyn Mercado, Maxene Magalona, at Iwa Moto.

 Kukumustahin ng host na si Ricky Lo ang hindi matapos na isyu ni Jennylyn sa ama ng kanyang anak na si Patrick Garcia. Sina Maxene at Iwa naman ay kahanga-hanga sa mga struggles nila bilang mga ‘dutiful daughters’ ng kani-kanilang may mga sakit na ama.

 Aalamin din ni Ricky kung ano ang masasabi ni Dorothy Laforteza sa mga naging lalaki sa buhay ng anak niyang si Sunshine Dizon. Mapapanood din sa Martes sa QTV 11, 8:30 p.m., ang naganap na private wedding ni Joyce Jimenez at ang kwento sa malaking break ni Arnel Pineda sa American band, Journey.