Rich isabong sa Bb. Pilipinas

Ipadayon matud pa sa GMA Artist Center ang pagpaapil sa Starstruck 4 avenger nga si Rich Asuncion sa Bb. Pilipinas pageant karong tuiga. Tsika sa PangMasa, sa una pa, daghan na ang nagsugyot kang Rich nga mahimo siyang mosalmot sa usa ka beauty pageant ug dako ang chance nga makadaog. Inila na si Rich isip beauty titlist sa Bohol diin siya naggikan sanglit nagkadaiyang indigay na ang iyang naapilan didto ug kanunay siyang nakadaog niini.

Sa pagkakaron andam na siya tungod kay na build-up na ang iyang confidence nga moatubang sa daghang mga tawo ug matud pa nawala na ang iyang pagkamauwawon gumikan sa pagsalmot niya sa Starstruck. - Erveliza B. Colipapa