Sarah ug Rayver nagkalami

Hingpit na nga gitino sa singer-actress nga si Sarah Geronimo ang kamatuoran kabahin sa nataho nga ang young actor nga si Rayver Cruz ang lalaki nga nakabihag sa iyang kasing-kasing. Gihatagan usab og igong katin-awan sa Pop Princess ang mga hungihong nga gipanguyaban siya sa aktor.

“Basta iyon muna. Wala namang masama kung maging magkaibigan kami. Kung nagkakausap kami wala naman sigurong masama doon. Hindi naman ibig sabihin na nagliligawan na kami,” matud pa ni Sarah ngadto sa ABS-CBN.com.

Dungag pa nga gihalad na ni Rayver ang gugma niini sa aktress, apan gitubag lamang kini ni Sarah og “love can wait” ug mas maayo nga sa pagkakaron ilaha unang atubangon ang ilang trabaho ug pagskwela.

Mahinumduman nga mihimo og tumang kahugyaw sa pamantalaan ang singer-actress sa dihang iyang gibutyag nga malipayon na siya makita lang ang iyang unidentified showbiz crush.

Samtang gibutyag ni Sarah nga perfume ang regalo ni Rayver ngadto niya samtang wala pa siya kahibaw unsay ihatag ngadto sa nahisgutan.

Jon nadutlan gyud ni Rufa

Gi-angkon sa aktor nga si Jon Avila nga anaa na sila sa ang-ang nga “getting to know each other” sa sexy actress comedienne nga si Rufa Mae Quinto.

Matud pa ni Jon nga usa sa iyang mga gikahinaman karong tuiga mao ang kapa-ingnan sa ilang relasyon ni Rufa Mae, sanglit single man siya ug willing siya nga dili magpabiling single karon kong magkasila sa aktres.

Dungag pa ni Jon nga dako ang iyang gusto kang Rufa Mae tungod kay “nice, sweet ug God-fearing” ang dalaga.

Giklaro usab sa aktor nga dili big deal kaniya ang vocal kaayo nga pagsugilon ni Rufa Mae sa E-press kabahin sa ilang relasyon.

“Si P-Chi (Quinto’s nickname) naman, talagang vocal sa media or sa mga kaibigan niya, so ganoon talaga siya. So nakaka-flatter.  Thanks for the friendship, and I’m glad that you are here with me this time, the beginning of 2009,” paambit sa ambungang aktor ngadto sa ABS-CBN.com.

Asia Agcaoilli mabdos

Mabdos ang resident Sex Guru sa FHM Philippines nga si Asia Agcaoilli. “Yes, I am pregnant. I just recently found out.The dad is my Dutch boyfriend. I have been thinking about having a baby this year anyway. It’s very timely because my contract with Premiere Condom has expired anyway, which means I can start a family na,” nagkanayon si Asia ngadto sa Philippine Entertainment Portal

Martin gipaabot nga motabi

Daghan na ang nagpaabot sa pagpauli ni Martin Nievera aron sa baba mismo niini maggikan ang katin-awan kalabot sa tsika nga supak ang iyang inahan sa bag-o niining girlfriend, nga iyang gihulip ni Katrina Ojeda. Ang maong girl ang gikatahong dunay dugong bughaw sanglit konektado kini sa hari sa Brunei.

Prince-Lovi ibalik

Sila si Lovi Poe ug Prince Stefan na pod maoy iduso isip love team sa GMA-7 karong tuiga. Unang nasuwayan ang ilang tandem sa usa ka episode sa Mga Kwento ni Lola Basyang kaniadto, ang “Mariang Alimango,” nga usa sa labing taas og rating sa maong show. Pwes, balik pares sila pinaagi sa Marian-Dingdong project nga “ Ang Babaing Hinugot Sa Aking Tadyang.