Stars Galore: Kapamilya ug Kapuso stars magbaha

Sa labing unang higayon sukad misulbong ang iyang bitoon ug taliwala sa daghang panawagan nga dad-on siya dinhi sa Sugbo, gitakda nga muabot sa Sugbo ang kontrobersyal nga si Marian Rivera atol sa Sinulog week, (ang tukma nga petsa sa iyang pag-abot mahibaw-an karong adlawa). Kuyogan siya sa pipila ka mga castoffs sa Survivor Philippines pinanguluhan ni Sole Survivor JC Tiuseco.

Sa Kapamilya network, gitakda nga muabot si John Lloyd Cruz kauban ang pipila ka casts sa Banana Split—Angelica Panganiban, Roxanne Guinoo ug Christine Reyes—alang sa Kapamilya Fiesta diha sa Ayala Center karong January 17, sa hapon.

Sa Sabado sa gabii, Enero 17, mulugwa ang Parokya ni Edgar sa CSCST-main campus alang sa Kapamilya Sinulog Concert Lupig Sila.

Sa Enero 17 gihapon naa ang Kapuso stars nga sila si Felix ug Dominic Roco (6pm) sa Gaisano Main ug Countrymall (8pm) alang sa second draw sa A Million Thanks Raffle Promo sa Gaisano Incorporated.

Sugod sunod semana, Sinulog week, magbaha ang mga artista. Mag-una sila si Pops Fernandez, Kuh Ledesma ug Zsa-Zsa Padilla, alang sa ilang Diva2Diva concert diha sa Grand Pacific Ballroom sa Cebu City Waterfront Hotel & Casino karong Lunes, January 12, alas otso sa gabii.

Pagkasunod adlaw, Enero 13, lugwa silang Piolo Pascual ug Angel Locsin sa SM City Cebu alang sa Kapamilya Fiesta with Star Cinema, alang sa fans day ug promo sa ilang pelikula sa Star Cinema, ang Love Me Again.

Sa January 16, unang mulugwa si John Lloyd sa Grand Pacific Ballroom sa Waterfront Lahug isip guest sa show nila ni Pokwang ug Pooh, diin naa pod ang Coverboys—Rafael Rosell, Jake Cuenca, Jon Avila, Will Devaugh ug Zanjoe Marudo.

Samtang karong Domingo, January 11, mutekang diha sa Robinsons Activity Center (3pm) ang bag-ong singer nga si Lyn Reyes ug ang French model nga si Leilani Francois alang sa “How Will I Know” Star Search nga pasiugdahan sa Psalmstre Enterprises, tiggama sa New Placenta beauty products.

Atangi lang dinhi sa Banat Hugyaw ang dugang updates kalabot sa mga artista nga makig-hugyaw karong Sinulog Festival.

Mark nagsigeg pa-cute ni Rufa Mae

Putos na pod kaayo si Rufa Mae Quinto dihang miabot sa presscon sa “Status: Single,” written and directed by Joey Reyes ug co-producer sa Viva Films ang iyang On-Q 28 Productions.  Gibinuangan si Rufa Mae kung mao ba kini ang fashion statement niya karong 2009.  Say pa niya, maayo unta kung iyang mabarugan kini kung motambong siya og mga okasyon ug sa mga shows na lamang siya magsul-ob og sexy dress.

Sa movie, lima ang lalaking ma-link kaniya, silang Paolo Contis, Alfred Vargas, Rafael Rosell, Mark Bautista ug Jon Avila, matud pa sa billing nila sa movie.  Sa lima, kinsa ba ang special kaniya karun?  Niadtong Miyerkules sa gabii man gud, dungan silang nanan-aw sa premiere night sa “Spirit” sa Gateway ug gisungog sila sa mga press didto.

“Alam ninyo, medyo confused na rin ako ngayon,” mapahiyumong tubag sa sexy actress.  “Kahit si Jon ang lagi kong kasama ngayon, pero si Mark, pursigido rin.  Si Jon kasi tahimik lang pero kinikilig ako sa kanya, ang lakas ng kanyang appeal.  Si Mark kasi noon pa, pa-text-text kami noon, dapat nga siya muna bago si Erik (Santos), pero hindi iyon nagtuloy dahil lagi naman siyang wala, lagi siyang may concert noon, sa USA, sa Canada, sa Europe.  Hayun, pagbalik niya, nariyan na si Erik.  Noong awards night ng MMFF, nag-text siya na kami na raw magkasama dahil wala siyang kasama sa “Baler.”  Kaya lamang, hindi ko pa siya nasasagot, nakita ko na si Jon na nasa likod ko, kung pwede raw kami na lamang ang magkasama.”

Ang “Status: Single,” ang first salvo sa Viva Films para sa 2009.

Pops apil na sa Betty La Fea

Giistoryahan na ang pagsulod ni Pops Fernandez sa I Luv Betty La Fea. Interesado ang ABS-CBN kang Pops para sa usa ka role nga siguradong storyahan gyud siya. Tsika sa PangMasa, sa Book 2 sa top-rating teleserye, mosulod si Pops kauban pa ang ubang additional cast.

Exciting kini kung mahitabo. Sa taas nga panahon, wala pa gyud makit-e si Pops nga mi-arte og balik sa primetime show. Kung madayon, exciting pod kung unsa ang mamahimong role ni Pipay.

Team-up ni Echo ug Karylle iduso

Tungod sa kaanindot sa feedback sa mga tawo sa anggulo nilang Jericho Rosales ug Karylle, adunay mga plano nga pareson na sila sa pipila ka shows. Ang balita nga nasagap sa PangMasa, gi-andam na ang usa ka show kung diin mag-uban gyud ang duruha.

Gawas man gud ni Echo, aduna pay pipila ka mga batan-ong celebrities ang nagparamdam nga gusto nilang pormahan ang dalaga ni Zsa Zsa Padilla. Usa na sa nabalita kay si Christian Bautista nga nagpadala pa og flowers kang Karylle niadtong Sunday samtang gi-interview ang dalaga sa The Buzz.

Nakit-an pod silang kuyog nanan-aw sa premiere sa Benjamin Button sa Gateway.