Fans ng Twilight nilalait sina Shaina at Rayver

Seen : Ang first taping day kahapon ng Ang Babaeng Hinugot sa Aking Tadyang sa South Forbes, Sta. Rosa Laguna. Ang Babaeng Hinugot Sa Aking Tadyang ang ikatlong team-up sa telebisyon nina Dingdong Dantes at Marian Rivera.

Scene : Ang balita na hiwalay na sina Assunta De Rossi at Congressman Jules Ledesma. Wala pang pahayag ang mag-asawa na palaging natsitsismis na naghiwalay.

Seen : Ang cute na anak ng dating aktor na si Dennis Da Silva. Pangarap ng bata na maging artista. Inmate pa rin si Dennis sa Pasig City Jail.

Scene : Magkakaroon ng Season 2 ang Survivor Philippines dahil naging matagumpay ito sa telebisyon. Magsisimula ang kanilang audition sa March 2009.

Seen : Ang denial ng Calayan Surgicenter na si Boy Abunda ang kanilang bagong PR. Mali ang balita na ipinatanggal ni Boy si John Lapus bilang endorser ng Calayan Surgicenter.

Scene : Ang IMO, ang bagong show ni DJ Mo sa ANC. IMO stands for In My Opinion. Bagay kay DJ Mo ang concept ng IMO.

Seen : Ang panglalait ng American teen-agers kina Shaina Magdayao at Rayver Cruz sa blogspot ni Perez Hilton. Galit ang teen-age fans ng Twilight sa balita na gagawan ng Filipino version sa telebisyon ang sikat na Hollywood movie. Nag-deny ang ABS-CBN sa local version ng Twilight.

Scene : Hot mama si Carlene Aguilar sa sexy pictorial niya sa January 2009 issue ng FHM. Noong isang taon, isang hot mama rin ang cover girl ng January 2008 issue ng FHM, si Jennylyn Mercado.

Seen : Dalagang ina rin ang cover girl ng January 2009 issue ng Maxim Magazine, si Valerie Concepcion. Mabenta ang mga dalagang ina sa mga sexy pictorial.