Love Me Again siguradong blockbuster

Gikahinaman ug gi-atngangn na ang unang blockbuster film karong 2009, ang ‘‘Love Me Again (Land Down Under), nga labing unang pelikula nila ni Piolo Pascual ug Angel Locsin alang sa Star Cinema ubos sa direksyon ni Rory Quintos.

Ang manipestasyon niini mao ang DVD sa teleserye nga “Lobo” sa duruha, sanglit naka-baligya naman kini og 65,000 units nga adunay 12 volumes. Usa ka pruweba nga willing ang mga fans nga mugasto, masud-ong lang ang aktor ug aktres on screen.

Tukma usab ang maong pelikula sa Year of the Ox sa oriental calendar nga magsugod karong January 26, sanglit sagad sa mga eksenang gikuhaan niini mao ang mga libuang oxen sa cattle ranches nga anaa sa Bukidnon ug Australia. Tuig karon sa maong hayop, maong sigurado gyud nga swerte ang labing unang putahi nga idalit karon sa Star Cinema sa katawhan.

Usa usab sa mga solid proof mao ang malampuso’ng world premiere sa maong pelikula nga gipahigayon sa Los Angeles ug San Francisco niadtong Disyembre. Mao kadto ang labing unang higayon nga sa laing nasud gipahigayon ang premiere night sa pelikula’ng ubos sa Star Cinema. 

Dungag ni Direk Rory Quintos ngadto sa PangMasa nahimong makahuluganon ug walay aberya ang ilang shooting sa Bukidnon ug Australia, pwera lang sa usa ka butang. “Mahirap idirek ang mga hayop,” reklamo sa award-winning director.

Rufa Mae ug Mo, okay na

Hapsay ug malinawon ang panaghinabi nila ni Rufa Mae Quinto ug DJ Mo Twister kabahin sa nahimong isyu nila sa miaging semana sa Showbiz Central.

Adunay mga hungihong nga miabot kang Rufa Mae nga may kalabutan si DJ Mo sa iyang pagkalambigit sa Belo-Kho break-up. Mahinumduman nga wala mulugwa si DJ Mo sa miaging Domingo sanglit napiit kini sa airport ug aduna usab kini’y laing commitment nga gitambungan. Apan sa dihang nagkita na ang duruha sa studio, nahimong malinawon ang ilang panag-istorya.

“I explained to Rufa Mae that I wasn’t able to call or text her because I left for Paris the next day. Doon kasi ako nag-New Year. And I wanted to talk to her personally. Ayoko na idaan sa text or sa tawag lang sa phone ang nangyayari between us”, pasabot sa controversial TV host ngadto sa PangMasa. Hinungdan nga dali dayon nga gipangita ni DJ Mo si Rufa ug nakig-storya kini sa actress-comedienne.

Matud pa ni DJ Mo nga iyang gipamati ang mga sentimento ni Rufa Mae ug iya usab gipasabot nga adunay misinformation ug misunderstanding ang maong isyu.