Working Girls sa ABS-CBN na

Gibutyag sa big boss sa Viva Entertainment nga si Vic del Rosario nga human sa ilang malampusong   pelikula nga Baler,   sundan na usab kini sa Civil Status: Single, nga makita sa January 29 diin co-producer usab niini ang lead star sa maong pelikula nga si Rufa Mae Quinto ubos sa direksyon ni Jose Javier Reyes

Nagplano usab si Vic nga ilang himoan og sexy-horror movie si Cristine, ug iya kining tun-an kung unsa ka-sexy ang role niini gumikan kay kung sobra ra ka-sexy , dili na mainteresado ang advertisers.

Samtang gibutyag ni Vic nga nakuha na diay sa ABS-CBN ang rights sa Working Girls nga ilang gipanag-iya ug himoan na unya kini og TV version.

Tsika pa niya ngadto sa PangMasa nga duna nay cast ang Kapamilya network, ug kini mao sila si Kristine Hermosa, Cristine Reyes, Toni Gonzaga ug Angelica Panganiban.

Interview ni Nora sigeg lugwa sa CNN

Daghan ang nakaingon nga matawag nga Newsmaker of the Year 2008 ang superstar nga si Nora Aunor gumikan kay sa maong tuig na headline gyud si Ate Guy. 

Nasuwertian pa gyud ang superstar gumikan sa pagkadaug sa sikat niya nga pelikula niadto nga Himala sa CNN Choice Award isip Asia-Pacific Best Film of All Time . Gipilde sa Himala ang laing siyam ka mga maayong pelikula sa Asia Pacific.

Gumikan sa pagkalangkat sa maong titulo, na-interview gyud si Nora sa Screening Room sa CNN nga malantawan tibouk kalibutan. Gani gisigihan og balik-balik ang maong interview karon sa CNN, busa posibli matud pa nga sinugdanan na kini aron subling magmabulokon ang career ni Guy.

Isabel inosente sa bag-ong uyab ni Paolo

Bisan loveless, kay nagpabilin nga malipayon ang pagsaulog ni Isabel Oli sa iyang bag-ong tuig dinhi sa Sugbo uban sa iyang pamilya.

Nasayran nga niadtong wala pa sila nagbuwag ni Paolo Contis plano diay unta niini nga ubanan siya sa pagsaulog sa bag-ong tuig dinhi sa Sugbo. Pero subo paminawon kay wala naabtan og Pasko ang ilang relasyon.

Hinoun, nadawat na sa aktres ang pagka-buak sa ilang relasyon ug wala siya nagmahay niini.

“Masakit noong una kasi nga three years din kami ni Pao and it was really unexpected. It just happened na gano’n. We tried to save it pero wala talaga, eh. Tanggap ko na hanggang doon na lang talaga,” nagkanayon si Oli.

Maibanan ang mga kasakit ni Isabel gumikan sa ka-busy sa mga schedules sa iyang taping sa Gagambino ug duna pud siya’y gisalmotan nga mga corporate shows ug modeling assignments.

Giangkon ni Isabel nga wala pa sila nagkakita og balik ni Paolo sukad sila nagbuwag busa wala siyay kasayuran sa bag-ong tsismis karon nga matud pa duna’y gikabuangan si Paolo nga usa ka EB Babes.