Dr. Hayden may kondisyon bago mag-guest ng live

If there won’t be any change of heart, kasado na ang live guesting ni Dr. Hayden Kho sa Startalk sa opening salvo nito for 2009. Mismong ang ex-boyfriend na rin ni Dr. Vicki Belo made a promise to Lolit Solis, albeit through phone, that he would appear live.

Of course, between now and Saturday (January 3) ay marami pa ang puwedeng maganap at isa na rito ang inaasahang paglambot ng puso ni Vicki resulting in damage to property, este, in taking back Hayden to her loving (not necessarily liposuctioned) arms.

Pero may terms and conditions si Hayden in exchange for his Startalk guesting. Isang pakiusap ’yon sa program staff na sana’y pagbigyan siya sa kanyang kahilingan, kapalit ng kanyang bare-all interview.

Just what exactly is Hayden’s request na hindi puwedeng hindi pagbigyan ng Startalk? Abangan!

* * *

Palibhasa laman din ako ng mga kalye sa Pasay City kung kaya’t may ilang pagkakataong nakakasalubong ko ang vocalist ng isang dating sikat na alternative band. All I knew then, ang noo’y palabuy-laboy na kaluluwa was hooked on drugs that caused his downfall.

That much I knew. Pero laking gulat ko nitong Sunday lang, isang dipa lang ang agwat ng aming mesa sa isang jologs na videoke bar sa Pasay City. Bagama’t medyo matinu-tino na nang bahagya ang kanyang itsura, he sported a much longer hair, na mukhang hindi nakakatikim man lang ng patak ng shampoo at kulang na lang ay pamahayan ng mga kulisap.

Kung dati-rati’y napapanood ko lang siyang magtanghal, it was my first time to hear him sing, ayon na rin sa pangangantiyaw ng dalawang lalaki sa kabilang table who asked him to join them. Kabilang sa mga kinanta ng vocalist na ’yon ang mga pinasikat na awitin ng ngayo’y disbanded niyang group.

But this I must say: Maganda ang boses niya with a singing style of his own. Yun nga lang, halatang he hasn’t overcome his dependence on drugs based on his incoherent movements and stuttered speech.

Dalawa lang kaming naghahalinhinang kumanta nung madaling-araw na ’yon, ballad ang sa akin while he was performing soft rock. Ang isa pa ring kaibahan, sa aking pag-uwi ay matutulog na lang ako.

* * *

TV5 has an exciting way of greeting 2009. Gaganapin kasi sa Star City on January 3 ang engrandeng pakalog ng humahataw na network dubbed as TV5 Live Shake Mo TV Mo Caravan.

Magsisimula ito ng alas-diyes ng umaga all the way to 12 midnight, kung saan may mga inihandang iba’t ibang pakulo with celebrities. Bands to perform are Sandwich and Imago. Kitakits!