Baler nangharos, Anne mihilak

Mihakot og mga awards ang pelikulang Baler sa 34th Manila Film Festival awards night nga gihimo sa Harbor Garden Tent sa Philippine Plaza niadtong Sabado sa gabii,December 27.

Napulo ka mga pasidungog ang nakuha sa maong pelikula nga naglangkob sa Best Editor (Danny Anonuevo), Best Production Design (Aped Santos), Best Cinematography (Lee Meily), Best Screenplay (Roy Iglesias), Best Director (Mark Meily), Best Supporting Actor (Phillip Salvador), Best Actress (Anne Curtis), Best Picture ug duha ka mga special awards nga Gender Sensitive Film ug Gatpuno Antonio Villegas Cultural Memorial Award.

Samtang si Christopher de Leon ang Best Actor alang sa pelikulang “Magkaibigan” ug si Manilyn Reynes usab ang Best Supporting Actress gumikan sa pagdala niini isip usa ka lesbian lover sa pelikulang “One Night Only”.

Second Best Picture ang “Ang Tanging Ina N’yong Lahat” sa Star Cinema ug 3rd Best Picture ang “Iskul Bukol: Twenty Years After” nila ni Tito, Vic ug Joey.

Samtang si Anne naglibog unsa ang iyang masulti gumikan sa iyang kadaugan isip Best Actress busa sa una niya nga linya sa iyang speech kay,” “Wow, I’m speechless, I don’t know what to say!”

Pero nakalahutay ra siya og miingon, “I wanna say thank you, of course, to my Viva Family... To Boss Vic, Ate Veronique, Boss Vincent for entrusting me for a role like this and putting me in such a wonderful movie... Direk Mark Meily, thank you so much. My Mama Betchay. I wanna thank also Mr. Genuino for also, having us for this project. Thank you so much. And I dedicate this to my family. This is my first ever award for my twelve years that I’ve been in the business. Thank you... Thank you so much!”

Makapatandog usab   ang acceptance speech ni Philip sanglit first award niya kini sa MMFF .

Si Ai-ai ug Sen. Jinggoy Estrada ang nagbasa sa award nga Best Picture sa dihang gianunsiyo nila ang winner sa 2nd Best Picture, kay mikomediya ang Comedy Concert Queen og lenggua og, “Ay, kami pala ‘yun, akala ko kami ang first, nakakaloka!”

Nagpabilin nga top grosser ang pelikula ni Ai-ai nga Tanging Ina N’yong Lahat .

Wala makatambong si Manilyn sa Gabi ng Parangal busa si Joey Reyes , ang direktor sa One Night Only” maoy midawat sa award inubanan sa iyang lenggua nga last minute replacement diay si Manilyn sa role niini, ug wala gayud siya nagmahay nga gikuha niya ang aktres alang sa maong pelikula.

Samtang usa lang ka award ang nabitbit sa Desperadas 2 ug kini mao ang Best Make-up (Noli Villalobos) nga mao pud ang ilang nadag-an last year.

“Yearly, ha?” say pa niini dihang nahinabi sa PangMasa. “Happy naman ako kahit isang award lang ang napanalunan namin. Basta ang importante, sabi naman ni Mother Lily (Monteverde), kumikita ang pelikula at pinapanood kami ng tao,” matud pa sa usa ka cast sa Desperadas nga si Rufa Mae Quinto.

Human sa awards night, misunod dayon ang Katy, The Musical Concert featuring Jericho Rosales ug KC Concepcion nga matud pa wala kaayo mapansin gumikan kay busy na kaayo ang mga tawo sa maong venue sa nagkadaiyang pagpa-kuha og hulagway ug mga interview sa mga winners. 

Ang ubang mananaog sa MMFF Awards Night:

Best Original Story: Jose Javier Reyes (One Night Only)

Best Child Performer: Robert Villar (Shake, Rattle & Roll X)

Best Musical Score:  Jesse Lazatin- Dayo sa Mundo ng Elementalia

Best Movie Theme Song:  “Lipad” by Jesse Lasaten and Artemio Abad Jr., performed by Lea Salonga (Dayo: Sa Mundo ng Elementalia)

Best Visual Effects (Dayo Effects: Robert Quilao: Sa Mundo ng Elementalia)