"Versus" karong gabii na!

Daghang nahitabong mga isyu ug kontrobersiya sa nasud niining tuiga, ug balikan kini sa “Versus” ni Mike Enriquez ug sa kinatibuk-ang pwersa sa GMA News and Public Affairs. Lakip sa mga isyung batbatun sa “Versus” mao ang sunod-sunod nga mga kontrobersiya sa administrasyong Arroyo, ang pagkalunod sa M/V Princess, ang kadaugan sa Pambansang Kamao nga si Manny Pacquiao batok kang Oscar de la Hoya, uban ang mga tsismis sa showbiz kabahin sa panagbuwag nila ni Karylle ug Dingdong Dantes diin nalambigit si Marian Rivera, ug ang sayo nga pagtaliwan sa young actor nga si Marky Cielo. (Darling Chyrmyth Wagas)