Sarah hanap na alang sa Meteor Garden

Adunay mga hungihong nga napalit sa ABS-CBN ang Chinovelang “Meteor Garden,” ug ang banggiitan ug labing sikat nga batan-ong singer-actress nga si Sarah Geronimo ang mudala sa role isip Shan Chai. Apan taphaw matud pa ang higayon nga mahimo kini sa actress-singer sanglit bag-o man ang career path sa Pop Princess.

Suma pa nga inig kahuman sa part two sa “A Very Special Love,” ang mga concerts ug recordings na ang atubangon niini. Nahinabi usab sa entertainment press si June Torrejon sa Viva Concerts, nga miingon nga sa umaabot Marso ug Abril sa sunod tuig, dad-on ni Sarah ang iyang concert nga gipahigayon sa Araneta Coliseum uban si Mark Bautista sa 14 ka mga US ug Canadian cities nga giulohan og “The Next One”.

Dungag pa nga sa Mayo 2009, nahan-ay na ang four-city provincial tour ni Sarah sa nasud, ug pagasundan og lain pang concert sa Oktobre ug Nobiyembre. Aduna usab siya’y duha ka album nga himuon ubos sa Viva Records.

Malipayon usab kaayo si Sarah karong tuiga sanglit natuman na gyud ang dugay ra niya nga gihandum, ang makabalhin sa ilang bag-ong panimalay nga mikabat og tulo ka tuig una nahuman. (Darling Chyrmyth Wagas)