Jomari mapasalamaton sa fans ni Marian

Susama sa usa ka tinuod nga negosyante, giisip ni Jomari Yllana nga best Christmas gift ang nadawat niya nga hapsay ug maayong pagkahan-ay ug pagpapirma niya sa kontrata sa umaabot nga concert sa Concert King and Queen nga sila si Pops Fernandez ug Martin Nievera nga giulohan og Missing You sa umaabot nga Pebrero 9. Ang maong concert iya mismong i-produce uban ang higala niini nga si Ronald Singson.

Dugang pa sa actor turned businessman nga mapasalamaton kaayo siya sa media partner sa labing unang concert nga iyang i-produce nga mao ang GMA-7 sanglit gihatagan siya og maayong deal sa maong estasyon. Ang maong concert dili lamang special post-valentine presentation sa estasyon karong Pebrero 15, kong dili gitugutan usab sila nga mahimong blocktimer niini.

Ang iyang mga laraw nahatagan og katumanan pinaagi sa iyang mga higalang abogado nga walay laing gipangayong bayad kong dili ang pagpakig-uban niya sa red carpet premiere sa Desperadas 2. Tsika ni Jomari ngadto sa PangMasa dakong sorpresa kini kang Jomari sanglit iyang nahibaw-an nga mga fans diay sa aktres nga si Marian Rivera ang iyang mga lawyer friends.

Suma pa nga ang iyang mga higala kever sa mga tsismis kabahin kang Marian, ug mga malaw-ay nga mga write ups kabahin sa dalagang aktres sanglit grabe man ang ilang pagsalig ug pagbilib niini.

Sa laing bahin, si Jomari nagselebrar sa Christmas eve kauban si Pops, ug gisaulog ang mismong adlaw’ng natawhan ni Jesus uban ang iyang anak nga si Andrei.

Men’s mag  gibalibaran ni Jen

Walay nakitang problema si Jennelyn Mercado sa pagbisita ni Mark Herras kaniya sa iyang panimalay sanglit matud pa niya nga managhigala na lamang silang duha.

Gihulagway ni Jen nga walay dautan kong mubisita si Mark, gani, usa si Mark sa iyang gikuhang ninong sa anak nila ni Patrick Garcia nga si Alex Jazz hinungdan nga kumpare na ang ilang tawganay.

Sa laing bahin, gipangutana si Mark sa entertainment press kung aduna ba siyay plano nga panguyaban pag-usab ang young actress ug misukli lamang kini og makahuluganon ug matam-is nga pahiyom.

Apan alang kang Jen, husto na nga managhigala lang sila sa aktor, sanglit iya nang nasuwayan ang pakig-relasyon ug igo na ang iyang natagamtaman.

Samtang nasayran sa PangMasa nga gumikan sa pagka-sexy ni Jen bisan pa sa iyang pagpanganak, duna nay nagsaad nga men’s magazine kaniya apan iyang gibasura.

Sweet mi-renew sa GMA-7

Sa dili pa matapos ang tuig, hatagan og dakong pagtagad ni TV Host-Actor-Comedian ang pagpamalandong sa mga maayong panghitabo sa iyang kinabuhi niining tuiga.

Matud pa ni Sweet nga nahimong mabungahon ang iyang tuig, ilabi na ang iyang career sanglit wala na kaayo siyay intriga sukwahi sa mga miaging tuig.

Dungag pa niya nga isip usa ka TV host, mapasigarbuhon kaayo siya sa padayon nga pagsuporta sa katawhan sa ilang talk show matag Domingo. Bag-o usab nga gi-renew ni Sweet ang iyang kontrata ubos sa GMA-7.