Richard-KC movie gisugdan na!

Gisugdan na niadtong Lunes ang shooting sa Valentine movie nila ni Richard Gutierrez ug KC Concepcion nga nag-ulohan og When I Met You sa direksyon ni Joel Lamangan ubos sa GMA Films ug Regal Entertainment.

Sa laing bahin, determinado usab si direk Joel nga mahuman nila ang maong pelikula sa tukmang panahon ug higayon alang sa playdate niini karong Pebrero 11, 2009. Gani, wala usa niya gipadayon ang taping sa iyang pipila ka mga serye ubos sa nahisgutang estasyon. 

Entertainment press nahugyaw sa Baler

Pwerteng dayeg sa mga miyembro sa entertainment press sa gihimong preview sa filmfest entry nga Baler sa Podium Cenima niadtong Lunes gumikan sa maayo nga acting nila ni Phillip Salvador ug Jericho Rosales sa maong pelikula. Matud pa nga nindot usab ang dagan sa istorya niini.

Pareho usab nga mipadayag sa ilang pasalamat ang duruha, ilabi na si Ipe nga gidayeg usab sa press ang billing niini nga angayan lang gyud iplastar sa ibabaw ang ngalan niya sa mga ngalan nila ni Anne Curtis ug Jericho. Ang maong pelikula kay ubos sa direksyon ni Mark Meily.         

Dungag pa sa beteranong aktor nga wala siya mag-demand og billing, apan nagpasalamat siya sa ilang boss nga si Vic del Rosario sa dihang gi-usab niini ang billing ug gibutang ang iyang ngalan sa taas.