Bugno sa MMFF sugdan na!

Karong adlawa na ang Parade of Stars sa Metro Manila Film Festival Philippines. Magsugod kini sa Rizal Stadium sa Luneta ug mahuman didto na sa SMX Convention Center sa Mall of Asia. Samtang sa Dec. 27 mao ang red carpet sa MMFF awards night sa Softel Philippine Plaza hosted by Boy Abunda. Sundan dayon kini sa Katy The Musical Concert nila ni Jericho Rosales ug KC Concepion .

Samtang ugma na ang showing sa walo ka mga official entries sa MMFF nga naglangkob sa: Dayo (Cutting Edge Productions), Baler (Viva Communication), Desperadas 2 (Regal Entertainment), Shake Rattle & Roll X (Regal Entertainment), Magkaibigan (Maverick Films) One Night Only (Canary Films), Iskul Bukol Twenty Years After (M-Zet and APT Entetainment) at Tanging Ina Nyong Lahat (Star Cinema).

Piolo over ka-busy sa 2009

Sa 2009, gipaabot nga ma-busy ang aktor sa pag-promote sa pelikula nila ni Angel Locsin, nga “Love Me Again” . Sundan pa gyud sa paglugwa sa Independent Film nga iyang gi-produce diin nag-ulohan kini og “ Manila ” nga makita sa Marso .

Sugdan na usab niya karong Enero ang teleserye nila ni KC Concepcion nga iyang gipaabot og maayo gumikan kay first niya nga mapares ang anak sa mega star. Malipayon si Piolo alang kang Dingdong Dantes kinsa napili nga 3rd Sexiest Man in the World.

“For me, pride ko na rin ‘yun as a Filipino because kababayan natin ang napili as one of the sexiest men. So, I’m happy for him,” nagkanayon si Piolo. Una na nga gibutyag ni Piolo niadto nga wala sila’y kumpetisyon tali nila ni Dingdong gani nagkauban pa sila sa usa ka TV commercial.

Ylmaz welcome gihapon sa balay ni Ruffa

Tsika pa ni Ruffa Gutierrez nga wala niya magamit ang iyang mahalon nga sapatos sa pelikula niya sa Desperadas 2 gumikan kay gi- required siya nga mosul-ob og flat shoes para dili siya motaas og samot. Bisan pa man naka-flat shoes kay lutaw lang gihapon ang iyang height tali sa mga kauban niya sa maong pelikula nga sila si Marian Rivera, Iza Calzado ug Rufa Mae Quinto. Dili na pud siya mag-expect nga maabot pa ang iyang kanhi bana nga si  Ylmaz Bektas para duawon ang anak nila nga sila si Lorin ug Venice .

Giklaro hinoun ni Ruffa nga welcome si Ylmaz sa ilaha kung buot kini mobisita sa ilang anak. Walay uyab karon si Ruffa ug kung ang iyang inahan pa nga si Anabelle Rama ang pasultion, kay gusto kini nga usa ka Pinoy ang sunod nga mahimong ka relasyon sa iyang anak.