Pangalan ng pinakasalan ni AiAi nalaman ng fans!

Napaka-resourceful ng mga fans dahil nang hindi pinanga­lanan ni AiAi delas Alas sa presscon ng Tanging Ina N’yong Lahat na kanyang pinakasalan ay ang ilang fans ang nag-research. Ayun, nalamang Randolph Layug Reyes ang pina­kasalan ng Comedy Queen na real name ang nasa marriage certificate.

Ang date na nakalagay kung kailan kinasal ang dalawa’y 05-12-03 at kundi kami nagkakamali’y May 12, 2003 ito nangyari. Wala pang ibang detalye sa nangyaring kasalan and I’m sure, busy ang mga fans sa pagre-research kung sino itong si Randolph Layug Reyes.  

* * *

Dumalo si Marian Rivera sa Christmas party ng ENPRESS o Entertainment Press at nag-enjoy ang aktres na naki-party sa mga members ng ENPRESS. Masaya ito na laging naka-smile at natuwa pa nang i-congratulate sa magandang performance niya sa Nieves episode ng Shake, Rattle & Roll X. Nag-smile rin ito nang biruing may chemistry sila ni Pekto at bagay silang magka-loveteam. Gumaganap silang mag-asawa sa nasabing episode.

Hindi rin siya nagpahuli kina Ruffa Gutierrez, Rufa Mae Quinto, Iza Calzado at Ogie Alcasid sa acting sa Desperadas 2, isa pa rin ang kanyang character sa katutuwaan ng mga moviegoers kahit wala na ang pet dog niyang si Chi-Chi.

Hindi na sinagot ni Marian ang issue sa kanila ni Karylle at tapos na raw ’yon. Pati yung Davao incident nang magpunta siya para sa contract-signing niya bilang endorser ng Phoenix, hahayaan na lang niyang ang kumpanya ang magsalita sa totoong nangyari.

Nagpasalamat ito kay Kris Aquino sa magandang sinabi sa The Buzz last

Sunday na dahil siya ang hottest star ngayon, lahat ng kilos ay binabantayan.

Naurong pala sa January 6, 2009 ang first taping day nila ni Dingdong Dantes ng Ang Babaeng Hinugot sa Aking Tadyang dahil napilayan nga siya. Very physical ang role niya sa bago nilang soap, malikot at umaakyat sa mga puno ang character niya kaya dapat magaling na magaling na ang kanang paa niya.

For her next movie, kapag hindi nabago ang casting, sina Dennis Trillo at Gabby Concepcion ang makakasama ni Marian. Ito yata yung project ni Gabby sa GMA Films na iko-co-produce ng Regal Entertainment.

* * *

Nagulat ang cast ng Gagambino nang dumating sa set ng fantasy-adventure si Bernard Palanca na kilalang ABS-CBN talent. Akala ng lahat, may binisita lang ito, kaya laking gulat nila nang malamang kasama na ang actor sa cast.

Maganda at malaki ang role ni Bernard na makaka-love triangle nina Dennis at Katrina Halili at baka this week, lumabas na ang kanyang character. Mabilis niyang nakasundo ang cast at staff dahil mabait daw si Bernard at inaaral ang script.

Wala na raw sa Star Magic si Bernard at si June Torrejon na ang manager, kaya puwede na siyang lumabas sa GMA 7 at puwede ring bumalik sa Channel 2 kung bibigyan ng project.

* * *

Sa Luna Mystika, ayaw makipag-usap ni Dexter (Mark Anthony Fernandez) kay Luna (Heart Evange­lista) hanggang bumalik ito sa Manila. Ipagtatanggol naman ni Dominic si Luna kina Alice (Sheryl Cruz) at Donita (Iwa Moto).

Sa party na ibinigay ni Ybarra (Ariel Rivera) sa mga taga-Barrio Mausok, makikita nitong may kinuhang porcelain sa kanyang bahay si Celestina. Magugulat si Ybarra ’pag nalaman kung sino si Celestina.