Talented nga magsoon
Before anything else, mga Manash, mangutana ko. Nakaila mo ni Johnnie Sniper sa personal nga madungog ra ninyo sa WILD-fm? Kinsa siya karon sa akong kinabuhi? Kun gusto mong masayod, paminaw mo sa WILD-fm or text ni Johnnie Sniper sa 09298280505. Ingon ana ra ka simple, hasta iyang number, sayon kaayong memoryahon.
Pero una, pangadto una mo’s E-Mall karong buntag kay duna’y show ang Rhythm Music Studio featuring their new talents, labi na gyod kining duha ka bata nga bata pa gani kaayo molatay na’g alambreng dunay tunok, mosapid na’g balas sa baybayon, mokaon og kayo, motulon og pinuti nga magkanta, madawat ninyo kana?
Ang duha ka bata nga giingon nako mao ang managsoong Hans T. Rishaug ug Evelyn T. Rishaug. Ayaw ko’g pangutan-a og pila’y ilang edad, adtoa na lang ninyo karong buntag, adto didto nato sila pangutan-on pila’y ilang mga edad nga makabuhat na man sila’g mga butang nga dili mabuhat sa ubang mga bata.
Dili kay kana ra. Kugihan pa jud, bisa’g anak og mga adunahan nga maoy tag-iya sa Rhythm Music Studio. Kana mismo ang hinungdan nganong gitukod ni Madame Emelda ang studio nga naa sa highway sa Toledo City.
Guest sa maong show mao ang nabantog na kaayong Mega Boys Dancers [labing seguro nakaila jud mo ana nila], New Rhythm Band ug ang bag-ong miabot gikan sa gawas nga singer, si Chennelyn Dakay
Leading lady siya sa “Unos” sa Fil Products pa ang CCTN, ug nag- apil- apil pa siya’g mga beauty pageants. Nakaapil gani siya sa Barangay Sweetheart busa, dili malimot si Secretary Cerge Remonde niya, kay kaniadto pang benefactor si Sec. Remonde sa Barangay Sweethearts.
- Latest
