Angel at ama isasama ni Gov. Vi sa abroad
Naka-plaster ang dibdib ni Angel Locsin sa love scene nila ni Piolo Pascual sa Love Me Again dahil ang biro nito’y ayaw niyang magpakita ng boobs. Inalalayan din siya ng actor, tinatakpan at agad binibigyan ng robe tuwing natatapos kunan ang love scene nila na paulit-ulit kinunan ni direk Rory Quintos dahil sa iba’t ibang anggulo.
Two days kinunan ang love scene nina Angel at Piolo, pinaka-daring sa kanilang ginawa at ginawa ni direk Rory, kaya medyo sumama ang loob ng director na na-edit ang ilang eksena. Sabi ni Angel, hindi pa napapanood ni Luis Manzano ang trailer ng movie nila ni Piolo at ang love scene, pero alam na maiintindihan nitong trabaho lang ang kanyang ginawa.
Pinaka-magandang regalo nina Angel at Piolo ang pelikulang showing sa January 15, 2009 at kinunan sa Bukindon at Australia. May mall show sila to promote the movie sa Mall of Asia sa Jan. 10, sa Trinoma sa Jan. 11 at sa SM Cebu sa Jan. 13. Nauna na itong nag-premiere sa Los Angeles na nagustuhan ng mga nakapanood at nagsigawan nang makita ang six-pack abs ni Piolo.
Samantala, kinumpirma ni Angel na inimbita sila ng kanyang ama ni Batangas Gov. Vilma Santos at ng pamilya nito na mag-abroad after Christmas. Inayos na nga raw ang passport ng ama para makasama. Ayaw lang nitong sabihin kung saan sila pupunta at baka ayaw daw ipaalam ni Gov. Vilma.
Siyanga pala, hindi pa man naipapalabas ang Love Me Again, excited na si Angel sa next movie niya sa Star Cinema dahil si Aga Muhlach ang kanyang makakasama. Sa TV naman, si Sam Milby ang sunod niyang makaka-pareha.
* * *
Dumating si Dingdong Dantes sa premiere night ng Shake, Rattle & Roll X para suportahan si Marian Rivera na bida sa Nieves episode ng pelikula. Naunang pumasok sa Cinema 3 ang actor, pero malakas na palakpak ang sumalubong sa kanya. After the preview, nakita namin silang magkatabi sa upuan at pinagkakaguluhan ng TV reporters.
Present din si Rhian Ramos na sumuporta naman sa ka-MU niyang si JC de Vera na tampok sa Emergency episode with Roxanne Guinoo. Pumikit kaya si Rhian sa kissing scene nina JC at Roxanne?
Isa sa mga bida ng Class Picture episode si Jean Garcia na dumating kasama ang anak na si Kotaro. Kinumusta namin ang puso ng actress at okey naman daw at sa biro namin kung sino ang nagpapasaya sa kanya at sa puso niya ngayon, “marami sila” ang sagot.
Nagmamadali lang si Jean at gustong kumain ni Kotaro, hindi na namin nausisa kung totoong isa sa manliligaw niya ngayon ay si Jojo Manlongat na ex nina Angelu de Leon at Sunshine Dizon. Nakalimutan din namin siyang tanungin kung totoong nagkita sila ng ex niyang si Polo Ravales sa isang bar at kung saan, kasama ng actor ang ex nitong si Sunshine.
Puno ng fear factor ang Emergency at Class Picture, kaya sigawan nang sigawan ang tao sa premiere night. Comedy at pambata ang Nieves episode at puwede pala ang tambalan nina Marian at Pekto.
* * *
Nakita namin ang poster ng Iskul Bukol…20 Years After at totoo palang very prominent ang name ni Ryan Agoncillo sa poster ng pelikula. Solo at nasa itaas ang name niya at nasa baba ang ibang cast ng movie. Pinakahuli ang name nina Tito, Vic & Joey na kasing-laki ng name ni Ryan.
Hiyang-hiya raw si Ryan sa importansyang ibinigay sa kanya ng mga producer lalo’t hindi siya nakakatulong sa promotion ng movie.
* * *
Sa Luna Mystika, nalaman na ni Dexter (Mark Anthony Fernandez) ang pagpapanggap nina Luna at Celestina (Heart Evangelista) at madidiskubre ni Celestina na nakakakita na si Dexter.
- Latest
