Will Devaugh singer na rin!

Nagulat naman ako na magkakaroon na ng music album ang hunk na si Will Devaugh at eager na siya na ipakita ang kanyang pagkanta. Malapit na raw itong matapos. Nakipag-collaborate din daw siya sa magagaling na songwriters sa bansa para lumutang ang galing niya.

Kakaunti ang nakakaalam na kumakanta pala ang dating boarder ni Kuya sa Pinoy Big Brother house.

Isa lang si Will sa mga boarder ng PBB na active pa ang career.

Kung sabagay, bago naman siya pumasok sa nasabing bahay, nasisilayan na natin siya sa commercial and print ads. Siya ang nag-introduced ng McDonald’s Rice Burger. Since then, malayo na ang narating niya bilang commercial endorser at ramp model,

Sa kasalukuyan, endorser siya ng Jag Black ng Jag Jeans kasama si Marian Rivera na kinunan pa ang pictorial sa Australia. Siguradong pinapantasya na ang mga pictures nila ni Marian para sa Jag dahil ang gandang lumabas.