Mark nalungkot!
Ngayon dadalhin sa Mountain Province ang labi ni Marky Cielo dahil doon siya ililibing. Nag-iimbestiga pa ang Antipolo Police sa tunay na dahilan ng maagang pagkamatay ni Marky.
May show sa Dubai si Mark Herras na nalulungkot dahil hindi niya nasilayan sa huling sandali ang kanyang kaibigan.
Close friends sina Mark at Marky. Mark Angelo Herras ang real name ni Mark at Mark Angelo Cielo ang tunay na pangalan ni Marky. Hindi ginamit ni Marky ang kanyang tunay na name para hindi ma-confuse ang mga fans nila ni Mark.
Parehong magaling magsayaw sina Mark at Marky. Pinagkukumpara nga sila pero never nagpaapekto sa mga intriga sina Mark at Marky. Parehong winner ng StarStruck ang dalawa. Ang pagkakaiba lang, Sole Survivor ng StarStruck Season 3 si Marky.
* * *
Ang mabigyan sila ng privacy ang request ng pamilya ni Marky. Pinagbigyan ng mga reporters ang kahilingan ng naulilang pamilya dahil naintindihan nila na hindi madali ang trahedya na dumating sa kanilang buhay.
Hirap na hirap ang kalooban ng ina ni Marky. Hindi muna siya dapat interbyuhin ng mga reporters. Hayaan muna natin siya na magdalamhati. Napakahirap ng kanyang pinagdaraanan.
* * *
Mula nang mamatay si Marky, sari-saring kuwento tungkol sa kanya ang naglitawan. Mga kuwento na nagbabadya na may premonition si Marky na mamamatay na siya.
Asahan natin na pagkalibing ni Marky, lalabas ang mga kuwento na nagparamdam siya sa kanyang mga kaibigan o na-sight siya sa studio ng GMA 7. Na-sight daw, o!
Hindi ako nagbibiro ha? Normal na ang ganyang mga kuwento, lalo na kung artista ang namatay.
* * *
Parehong M ang pinag-uusapan ngayon sa showbiz. Sina Manny (Pacquiao) at Marky. Natagpuan ang bangkay ni Marky habang naghahanda si Manny sa laban nila ni Oscar Dela Hoya.
Gulat na gulat si Manny nang malaman nito ang balita na namatay si Marky. Nagtanong kaagad siya kung ano ang nangyari. Kilala ni Manny si Marky dahil pareho silang Kapuso artist.
* * *
Huling napanood si Marky sa Struck Attack segment ng Startalk noong Sabado. Gaya nang ikinuwento ko noong Lunes, shocking sa akin ang pagkamatay ni Marky dahil nagkita pa kami noong Sabado sa studio ng Startalk.
- Latest
