Aktres inisnab-isnab ng mga sales clerk sa sosyal na shop
Kuwento ng isang reliable source, nang minsang pumasok sa isang mamahaling shop ng mga imported na bag ang isang sikat na aktres ay wala itong make-up at di nakapag-ayos ng mabuti. Tumitingin siya ng mga bag pero dinidedma siya ng mga sales ladies dahil napagkamalang katulong at inakala nila na ‘di kayang bumili ng ganung kamahal na bag si —— (pangalan ng aktres).
Sa inis ng aktres ay lumabas na lang ito ng tindahan ng mga imported na bag dahil walang lumalapit at umiintindi sa kanya. Nagsumbong ito sa nobyong aktor at sa inis ng bf ng aktres ay nagpunta ito sa shop at bumili ng isang set ng mamahaling bag para ibigay sa nobya. Bagama’t sinagip ng aktor ang nobya sa mga supladitang sales clerk sa nasabing sosyal na store, naging mitsa naman ‘yun ng kanilang paghihiwalay dahil labag daw sa kalooban ng aktor ang pagbili ng mamahaling gamit para ibigay sa nobya.
* * *
Certified actress na si Angel Locsin dahil sa pagkapanalo bilang Best Actress in a Single Performance sa episode na Pilat para sa Maalaala Mo Kaya. “Ang nakakatuwa po, ito ang pinakauna kong project sa Kapamilya network at nagka-award pa ako. Masasabi kong actress na ako,” anang Angel.
Timely ang pagkapanalo ng magandang aktres para sa promosyon ng Love Me Again (Land Down Under) na sa unang pagkakataon ay magkakaroon ng screening sa abroad ang Star Cinema bago ipalabas sa local theaters. May advanced screening ang movie sa LA at San Francisco.
* * *
Tanong ng mga kapatid sa hanapbuhay kung matalbugan kaya ng GMA 7 Christmas party para sa entertainment press sa darating na December 14 ang bonggang-bonggang party ng ABS-CBN dahil cash prizes worth 200,000 ang ipina-raffle kung saan apat na tig-P20,000 ang nanalo para sa grand prize. Yung iba naman ay nanalo ng P1,000, P2,000, P5,000 at P10,000.
Samantala, walang kaayos-ayos si Cristine Reyes na naging guest sa nasabing party ng Kapamilya network.
* * *
Ang gaganda ng mga weekday shows sa TV 5. Aliw na aliw kami sa Hahahayop ni Eugene Domingo tuwing Lunes.
Susunod naman ang OMG!!! Ang heightened reality show hosted by Iya Villania at iba pa gaya ng Kiddie Kwela, Shock Attack, Rescue Mission at Arekup! (Video Zonkers), Baikingu, Ogags, Pulis! Pulis at Lokomoko tuwing 8:30 pm mula Lunes hanggang Biyernes.
- Latest
