Edu ug Pinky nagplano nga magpakasal?

Migawas karon ang tsika nga nagplano matud pa nga magminyo sila si Edu Manzano ug ang long time girlfriend niini nga co-host sa Umagang Kay Ganda nga si Pinky Webb sa third quarter sa 2009. Pwes migawas ang pangutana, kung annulled na ba ang kasal nila ni Chairman Edu kang Maricel Soriano? Kung tinuod nga magpakasal na ang duha, ikatulo na ka higayon ni Chairman Edu nga misulod sa kaminyoon. Una siyang gikasal kang Gobernador Vilma Santos-Recto ug ang ikaduha mao si  Maricel (Erveliza B. Colipapa)

Ex-castaway Kaye dili makigtigi sa laing mga sexy stars

Gibutyag sa kanhi castaway sa Survivor Philippines nga si Kaye Alipio nga nangandam na siya sa iyang kaugalingon karon sa pagsulod niya sa kalibutan sa showbiz diin bag-ohay pa lang siya nakapirma og kontrata sa GMA Artists Center . Hinuon giklaro niya nga dili siya buot makigtigi nila ni Katrina Halili nga pareho niya nga mga sexy.   “Naku parang nakakahiya naman. Pero okey lang na makipagsabayan ako pero hindi ako makikipaglaban. Gusto ko silang dalawa kaya hindi ko sila kakalabanin sa paseksihan,” lenggua pa ni Kaye ngadto sa Pang Masa .

All Star K! mo-compete sa mga shows sa gawas

Molugwa ugma sa gabii sa programang All Star K! The P1,000,000 Videoke Challenge sa GMA-7 ang pito ka mga batang artista sa Kapuso nga sila si JM Reyes, Ella Guevara, Sam Bumatay, Krystal Reyes, Bea Binene, Gabriel Roxas ug Jacob David Rica. Ang hired K! Killer sa maong episode mao si German “Kuya Germs” Moreno. Sa laing bahin, nasayran usab nga ang maong programa ang usa sa mga finalist alang sa 2008 Asian TV Awards for Best Game Or Quiz Programme diin makatigi niini ang pipila ka mga shows sa Thailand, Hong Kong ug Japan.

Mga talents ni Becky naka-Swerte

Proud kaayo si Becky Aguila sa iyang mga talents kay nakadawat gyud kini og mga dinagko nga award. Bisan pa man sa iyang problema nga iyang nasugatan kay nagmalaumon siya nga magpadayon ang suwerte sa iyang mga artista nga iyang gihuptan. Kung kahinumduman ang iyang alaga nga si Angel Locsin ang nakadawat og award nga Best Single Perfomance by an Actress bag-ohay pa lang sa Star Awards. Ang lain niya nga alaga nga si Valerie Concepcion ang milangkat usab sa award nga Best Female TV host for Wowowee ug ang bata nga si Patricia Gayod ang Best New Female Personality sa Star Awards.

Ang lain niyang talent nga si Ella Cruz ang midaug isip Best Child Actress sa FAMAS Awards sa pelikulang Resiklo.

Angeli: “ Gary was not arrested”

Gitin-aw karon sa asawa ni Gary Valenciano nga si Angeli Pangilinan ang balita nga migawas dinhi sa Pilipinas nga matud pa napriso ang Mr.Pure Energy sa Qatar. “Contrary to reports, Gary was not arrested. But detained for 4 hours at Qatar airport (in the business lounge and then in immigration area) in Nov. 28 because his passport was lost in the Qatar Airways plane Friday, 12:30nn,” unod sa text message ni Angeli nga iyang gipadala ngadto sa Pang Masa.