$1.3M gasto sa entry sa MMFF.

Mikabat ngadto sa $1.3 million ang gasto sa official entry sa 2008 Metro Manila Film Festival o halos P75 milyones ug sa ka dako sa maong puhonan imposibleng makabawi dayon, bisan pa og topgrosser pa sa film fiesta.

Hinungdan nga ang Dayo sa Mundo ng Elementalia ipasalida ngadto sa nasod sa Russia, Argentina, Brazil ug ubang parte sa South America, USA ug mahimo sa tibuok kalibutan.

“Magkakaroon din kami ng world roadshow, kung saan itatanghal ang Dayo sa iba’t-ibang Filipino communities all over the globe,” matud sa direktor nga si Robert Quilao.

Ang global theater star nga si Lea Salonga ang nikanta sa theme song, Lipad nga gisulat sa producer nga si Jessie Lasaten ug scriptwriter Temi Abad, Jr.

Grabe ka inspiring ang lyrics sa Lipad ug maayo ang melodiya matud pa ni Lea. Ang mensahe sa kanta nag-ingon nga kaya natong molupad ug abuton ang atong mga pangandoy ug unsa pa mang gusto natong makab-ot.

Ang igsoon ni Lea nga si Gerard Salonga, conductor sa Filharmonika ang nagdikit sa musical score sa pelikula.

Si Nash Aguas ang nagdala sa tingog ni Buboy, ang bida sa estorya ug si Katrina ‘Hopia’ Legaspi kang Anna, usa ka batang anananggal nga gikan sa Elementalia, diin naa didto ang grandparents ni Buboy nga gusto niya tabangan.

Tingog ni Pokwang ang kang Vicky, yaya ni Anna, Michael V.as Narsi, Noel Trinidad (Lolo Meong), Nova Villa (Lola Nita), Johnny Delgado (Darpio), Peque Gallaga (Nano), Laurice Guillen (Diwata/Bruha) ug Gabe Mercado (Jo).

Ang Dayo sa Mundo ng Elementalia, usa ka hybrid product combining 2D ug 3D animation, powered by Toon Boom gamit ang Macintosh ug Linux platforms. Ang 2D gigamit para sa mga characters, 3D para sa background labi na sa mga big scenes.

Nitoo ang Cutting Edge producer nga si Jessie Lazaten nga ang proyektong pareho sa Dayo dali rang mabaligya sa world film market. (Erveliza B. Colipapa)