DeRek ug Juday andam sa kissing scenes

Kumportable na sa usag-usa sila si Derek Ramsay ug Judy Ann Santos sanglit nagkauban naman sila kaniadto sa Ysabella. Pwes, karon sa ilang second teleserye nga “ Humiling Ako Sa Langit” nga mulugwa na sunod tuig, andam sila bisan unsay ipabuhat, bisan pa og dunay kissing scenes. “Wala pang nakukunan na ganoon at alam ng directors kung ano ang gagawin in case magkaroon ng ganoong eksena,” ni Juday pa. Samtang si Derek miingon, “If the scene requires the kiss, okay lang siguro sa amin.”

Robi the next Rico Yan?

Giangkon ni Robi Domingo nga mas grabe na ron ang pressure nga iyang gibati human siya midaog isip Best New Male TV Personality sa Star Awards for TV niadtong Domingo sa gabii. Suma pa niya andam siya sa bisan unsa nga role ug iyang paningkamotan og maayo nga dili madismaya ang mga tawo nga nagtuo kaniya. Dakong garbo alang ni Robi nga matandi ngadto ni anhing Rico Yan “Very flattered po ako kapag kinu-kumpara ako kay  Rico Yan. Sa mga nagsasabi po noong maraming salamat. Actually po sa akin I really want to take the path of Rico Yan...”

Rufa Mae: Yes to career, no to love

Gisaad ni Rufa Mae Quinto nga human sa ilang panagbuwag sa Mexican-American nga si Robert Bobby Lopez, ang iyang career una maoy iyang atimanon. Pero, malaumon siya nga muabot ra gyud si Mr. Right sa tukma nga panahon.

“Wala akong date, [pero] at least, ang dami kong awards. Magandang sign, lalo na ngayon magpapasko. Magandang Christmas gift ito sa akin.” Duha ang awards ni Rufa Mae sa Star Awards niadtong Domingo— Star of The Night Award ug Best Comedy Actress para sa gag show nga “Bubble Gang.”