Launching sa album giandam

Yezz, mga Yadzz, bisan grabe nato ka busy karong mga panahona, motambong pa jud ta’g pipila ka invitation kun madaa pa’s atong lawas, mao nga atong Saturday, November 15, mitambong ko sa gitawag nila’g Christmas Bazaar and Trade Fair” nga mugna sa atong higala nga si madame Norma Vicoy. Hinoon, dili si Maam Norma ang nagtawag nako, ang iyang sexytary nga way lingkoranan—si Inday Charlotte Cinco— kay si Charlotte maoy gitugyanan ni Maam Norma sa pagpangimbitar sa mga sakop sa media. Gani, ako na’y nag-text ni Roger Serna, kay way number si Charlotte sa phone ni Roger, pero mipauli sad diay si Roger sa Oslob kay nag-prepare pod para sa ilang festival, kay dili man gyod puwede nga mawaa si Roger sa mga kalihokan sa Oslob.

Sa maong launching, ang mga talented kaayong mga batan-ong mga gymnast maoy naglingaw sa mga tawo after sa cutting sa ribbon sa first lady sa Mandaue City, Madame Sarah Cortes inabagan ni Mandaue City councilor Daddie Suico, Ug sa tag-iya sa Park Mall mismo, si sir Carlos Co ug kamanghurang anak, Engr. Neal Carlson Co.

Ang mga gymnasts mga estudyante sa Wanderkind School sa Catarman, Liloan nga gipangulohan sa tag-iya nga si Madame Reroma.

Gipahimuslan nalang sad nako’g tan-aw ang Park Mall, kun puede bang adto mag-launching sa latest album ni Dulce, nga hangtud gani niining pagsuwat nako, wa pa ko masayod unsay mga awit nga naa sa album.

Gihisgutan kini nako ngadto nilang Mam Norma Vicoy ug Charlotte ug duna mi nakit-ang usa ka lugar sa mall nga nindot butangan sa stage. Hinoon, dili pa final ang maong lugar, kay daghan pang mga preparation nga gihimo si Bryan Cabase, ang adopted son ni Dulce dinhi sa Cebu nga mao gyo’y gitugyanan alang sa maong kalihokan.