Paolo Contis "Single" Na
Nagpaduding na gyud og maayo si Paolo Contis. Kung niadtong Huwebes sa gabii miingon siya nga moluwat siya og pamahayag pag-abot sa tukmang panahon, kagahapon sa iyang Facebook account giusab na niya ang iyang status gikan sa “in a relationship” ngadto na sa “single.” Pero mga suod nga higala ni Paolo miingon nga kung buwag na gyud gani silang duha ni Isabel Oli, hayan magkabalik ra gihapon sila tungod kay nahitabo na ang ingon niini sa ilang relasyon kaniadto. Hapit na magtulo ka tuig ang panaghigugmaay ni Paolo ug Isabel.
KC mi-regalo og turkey sa pamilyang Gutierrez
Natandog ang magtiayong Eddie ug Annabelle Gutierrez sa kabuotan ni KC Concepcion dihang gipadad-an sila og lamian nga thanksgiving turkey inubanan og card niadtong Huwebes nga maoy ilang Thanksgiving Day. Wala makatambong si Richard Gutierrez kay toa kini sa Boracay alang sa Greenpeace advocacy niini. Pero matud pa gibilinan na ni Annabelle si Richard og share sa turkey aron makatilaw kini sa gift ni KC kanila.
Jen dili pa andam motingog
Dili pa gusto ni Jennylyn Mercado magpa-interview sa “Showbiz Central” karong hapon kabahin sa mga isyu nga gisulti karon ni Patrick Garcia nga gusto makita niini ang ilang anak nga si Alex Jazz.
Sen. Loren midayeg kang dingdong
Gidayeg ni Sen. Loren Legarda ang actor nga si Dingdong Dantes human niya kini malantaw sa premiere night sa “One True Love” ug mikomediya ang senadora nga crush niya ang aktor. Samtang human sa malampusong premiere sa documentary ni Sen. Loren nga Ulan Sa Tag-Araw , karong gabii dawaton niya ang “Lifetime Achievement Award for Excellence in Broadcasting” gikan sa Star Awards for TV.
Nikki ug John mobanat na sa pag-arte
Masaksihan na ang abilidad sa pag-arte sa mga kanhi castaways sa Survivor Philippines nga sila si Nikki Dacullo ug John Lopez pinaagi sa “Dear Friend” karong hapon kinsa sila si Marvin Agustin ug Jolina Magdangal ang host niini. Ang maong episode giulohan og “Luke & Charrie” ug ubos kini sa direksiyon ni Don Michael Perez. - Sanden J. Anadia
- Latest
