'Magkaibigan" imposibli nga dili hilakan

Gihagit ni direk Joey Reyes ang mga mutan-aw sa Magkaibigan sa Maverick Films, nga mugawas sila sa sinehan nga dili muhilak, bisan pa og Pasko ang sinugdanan sa maong MMFF 2008 entry. 

Sa presscon ng movie, matud pa sa PangMasa nga trailer pa lamang, daghan na ang mihilak, usa na ang lead star nga si Sen. Jinggoy Estrada, tungod kay hangtud karon lab-as pa sa iyang panumduman ang pagpanaw sa iyang best friend nga si Rudy Fernandez. 

Pwes daghan na hinuon sa mga sakop sa press ang nagpanikad nga mutan-aw tungod kay naintriga sila sa maong pelikula nga sinuwat ug ubos sa direksyon ni direk Joey, kinsa miingon nga kini maoy labing lisud nga script nga iyang namugna.

Pero giklaro ni Sen. Jinggoy, Christopher de Leon ug direk Joey nga dili kini istorya ni anhing Rudy Fernandez, kundili usa ka tribute alang sa usa ka higala nga dili malimtan.

Tsika pa nga sa sinugdanan malipayon, tungod kay mga bata pa lamang best friends na sila si Atoy (Boyet) ug Ruben (Sen. Jinggoy) hangtod nga naminyo na sila. 

Si Atoy manimuyo kauban sa iyang asawa nga si Tere (Dawn Zulueta) ug mga anak nga sila si Jonie (AJ Perez) ug Katrina (Empress Shuck). 

Si Ruben kauban pod ang asawa nga si Eden (Maricel Laxa) ug duha ka mga anak nga sila si Benjie (Ryan Julio) ug Dodie (Justine Plummer).

Ang kanhi PDA finalist nga si Davey Langit ang mikanta sa theme song nga Kaibigan.