Sam Ug Angel dili na madayon sa "Lovers In Paris"

Dili na mahinayon matud pa, sila si Angel Locsin ug Sam Milby sa Pinoy adaptation sa Lovers in Paris. Suma pa sa nasagap sa PangMasa sila si Piolo Pascual ug KC Concepcion maoy mohimo niini. Lahi na ang project matud pa nila ni Sam ug Angel, ang giulohan og Buhay ng Buhay Ko.

LT Two-Year Exclusive Contract Ang Gipirmahan

Two year exclusive contract ang gipirmahan ni Lorna Tolentino sa Kapamilya network niadtong Miyerkules sa gabii sa 14th Floor sa ELJ Building. Duha ka soap drama sa ABS-CBN ug duha ka pelikula sa Star Cinema ang unod sa maong kontrata. Suma pa nga sila si Gabby Concepcion ug Albert Martinez ang makauban ni LT sa iyang unang teleserye nga sugdan karong Enero. Ganahan si LT nga makauban og balik sila si John Lloyd Cruz ug Bea Alonzo nga nakauban niya kaniadto sa “Kay Tagal Kang Hinintay”. Ganahan pod siya nila ni Claudine Barreto ug Angel Locsin.

Joross Excited Sa MMK Episode Sa China

Birthday ni Joross Gamboa karong adlawa, Nov. 28 ug duna siyay small party sa ilang balay ugma puhon. Walay special someone si Joross pero wala niya ilimod nga duna siyay ka-date karon nga Fil-Am model. Excited si Joross tungod kay duna siyay umaabot nga “Maalaala Mo Kaya” episode nga adto pa sa China himuon. Polio victim ang iyang papel. Apil si Joross sa filmfest entry nga “One Night Only” under OctoArts Films with Katrina Halili, Jennylyn Mercado, Valerie Concepcion, Diana Zubiri and Alessandra de Rossi.

Sam Tak-Om Basta Anne Hisgutan

Tak-om una si Sam Milby basta ang pangutana may labot ni Anne Curtis ug sa ilang break-up. Kini tungod kay niya pa, lain-lain na lang nga tsika ang mga nanggawas bisan pa man og dili kini maoy iyang pasabot. Gikasakit ni Sam ang komentaryo nga gigamit-gamit pa niya ang Ginoo, isip rason sa ilang panagbuwag.

Calix Andreas Makalingaw Na

Aktibo o bibo na kaayo ang anak nila ni Dennis Trillo ug Carlene Aguilar nga si Calix Andreas. “One year na si Calix at tumatakbo na siya at ayaw nang magpabuhat. Binibisita ni Dennis Trillo ang aming anak kapag wala siyang taping. Kapag nakikita siya ng aming anak sa Gagambino ay tumatayo ito at pumapalakpak,” nagkanayon si Carlene ngadto sa PangMasa.

Karylle Dili Pa Ready Makig-Friend Ni Dong

Bisan og pareho silang mipadayag nga buot nilang magpabiling higala sa usag-usa human sa ilang panagbuwag, pero imposibli pa gyud kini mahitabo karon nila ni Dingdong Dantes ug Karylle. “ Well, as of the moment, I don’t think that’s really possible, sadly,” nagkanayon si Karylle ngadto sa entertainment press nga nakighinabi niya sa Aliw Awards sa milabay nga gabii.

Dughan Ni Mariel Retokada

Miangkon si Mariel Rodriguez nga dunay gamay nga retoke ang iyang mga hulagway alang sa FHM-December issue. Tsika pa niya nga iyang gipaibanan ang iyang dughan tungod kay dako ra kaayo kini tan-awon, ug dili na katuohan sanglit dili ingon niini kadagko ang iyang mga dughan. Matud ni Mariel dili siya ganahan mamakak.