Tomorrow Becomes Yesterday Bamboo
“Noypi, Hallelujah ug Tatsulok.” Kini ang mga kanta nga nakatatak na sa panumduman sa mga rakista, nga gipasikat sa bandang BAMBOO. Ug karon, gipaabot nga makadughit og susamang kalampusan ang ilang kanta nga giulohan og “KAILAN” nga maoy pambato sa ilang latest album, ang ‘Tomorrow Becomes Yesterday.” Gani ang “Kailan” duna nay kaluha nga music video ubos sa direksyon ni Pancho Esguerra, diin nag-number one na kini sa MYX sulod sa duha ka semana
Nasayran nga ang Tomorrow Becomes Yesterday album nahimo na nga Platinum record sanglit nakabaligya na kini og 30,000 ka mga kopya.
Ang uban pang mga kanta nga nalakip sa maong album mao ang “Blown Away,” “Little Child”, “Nobody Knows”, “Last Days On Cruise Ship”, “Wake Up Call” ug “Muli.”
Busa ayaw pauwahi, panag-iya na og “Tomorrow Becomes Yesterday” album gikan sa EMI-Philippines. - Lesley Caminade
- Latest
