Karylle sa NY pa nagpagawa ng terno

Umalis si Ogie Alcasid last Tuesday, para dalawin ang mga anak sa Australia at sa November 29 na ang kanyang balik. Magiging busy siya sa mga susunod na araw at after Christmas na uli niya mabibisita ang mga anak. Hindi sigurado si Ogie kung sasama sa kanya si Regine Velasquez pagpunta sa Australia sa December 26.

Magiging busy si Ogie sa paghahanda sa two-night concert niya sa Aliw Theater billed Ogie Sings with the Idols at sa promo ng Desperadas 2. 

Sobrang natutuwa rin si Ogie sa partisipasyon niya sa Desperadas 2 dahil sa role niya at kahit inipit ang boobs niya para magka-cleavage at inipit din ang manhood niya, walang reklamo si Ogie. Inipit na naman ang manhood niya nang mag-one-piece swimsuit siya.

“Sanay na akong magdamit babae at mag-swimsuit. Nahirapan lang ako sa make-up dahil ‘pag nasikatan ng araw, masakit and after 15 minutes dry na, ang hirap tanggalin at six times akong naliligo. Umitim na nga ako sa German make-up na ginagamit sa akin,” sabi ni Ogie.

Na-miss ni Ogie ang paggawa ng pelikula at thankful siya na siya ang kinuha sa role ni Lugaluda at dahil sanay sa woman role, hindi siya na-pressure. First time niyang madirek ni Joel Lamangan at galing na galing siya rito. Bago gawin ang eksena, in-akting muna sa harap niya, kaya hindi siya nahihirapan.

Hindi sana pagselosan ni Regine ang tsika ni Ogie na enjoy siya dahil sa set, niyayakap siya nina Ruffa Gutierrez, Rufa Mae Quinto, Marian Rivera at Iza Calzado. Sa parade of stars, kung meron man, wish nating ayos babae si Ogie.

* * *

Gawa ng New York- based na si Albert Figueras ang Filipiniana terno na isusuot ni Karylle sa pagkanta niya ng National Anthem sa laban nina Manny Pacquiao at Oscar dela Hoya. Wine red daw ang terno at may Swarovski crystal ang bodice. Tingnan n’yo na lang ang gown at ang hirap i-describe huh!

Pati ang sapatos na isusuot ni Karylle ay si Figueras din yata ang gagawa, basta ipinangako nitong magandang-maganda si Karylle na aakyat sa ring para kumanta ng Lupang Hinirang. Sa December 4, ang alis niya rito in time for the December 6, boxing match.