LT pipirma na ng kontrata sa Dos

Kung si Ruffa Gutierrez ang tatanungin, type niyang ma-extend ang co-hosting job ni Kris Aquino sa The Buzz.

Gustung-gustong ni Ruffa si Tetay. Nagtataka nga siya sa mga intriga na kesyo sinasapawan siya ni Kris sa kanilang show. Ang sey ni Ruffa, never niyang na-feel na sinasapawan siya ni Kris. Matagal na silang magkaibigan.

Hanggang December 31, 2008 lang ang kontrata ni Kris sa The Buzz pero gusto nga ni Ruffa na tumagal pa ang pagsasama nila.

* * *

Bukas na ang showing ng Scaregivers. Magkahalong kaba at excitement ang nararamdaman nina Jose Manalo at Wally Bayola dahil huhusgahan na ng publiko ang kanilang unang pelikula na pinagbibidahan.

Walang dapat ikatakot sina Jose at Wally dahil maganda ang feedback sa Scaregivers. Nag-enjoy ang mga tao na nagpunta sa premiere night ng Scaregivers. Laugh sila nang laugh dahil nakakatawa at nakakaloka ang mga eksena nila.

Dumalo sa premiere night ang magdyowang Vic Sotto at Pia Guanio. Present si Bossing dahil co-producer siya ng launching movie nina Jose at Wally.

Clap daw ang mga tao nang umapir sa big screen si Bossing dahil kasama siya sa mga special guests ng pelikula. Watch n’yo ang Scaregivers. Suportahan natin sina Wally at Jose na nangako na hinding-hindi sila magbabago kahit sikat na sila.

* * *

Kontra-demanda ang sagot ni Mel Pulmano sa demanda laban sa kanya ni Becky Aguila.

Non-payment of separation pay ang kaso na isinampa ni Mel at qualified theft naman ang demanda sa kanya ni Becky.

Parehong palaban ang dating mag-amo. Talagang see you in court ang drama nila. Nabura na ang kanilang magandang samahan. That’s life talaga!

* * *

May hang-over pa ang mga reporters sa early Christmas party ni Dingdong Dantes. Pinag-uusapan pa rin nila ang mga bonggang raffle prizes ni Dingdong.

Magkakaroon din ng Christmas party ang Gutierrez family para sa entertainment press pero dahil nagpapagaling pa si Annabelle Rama, gaganapin ang party sa January 11 with matching title na Unang Salvo sa Enero!

Knowing Bisaya, malalaking raffle prizes ang ihahanda niya at ng kanyang mga alaga. Bagong opera si Bisaya kaya nagpapalakas pa siya. Hindi puwedeng wala siya sa party ng mga Gutierrez para sa entertainment press.

* * *

Mula bukas, Kapamilya na uli si Lorna Tolentino dahil pipirma na siya ng kontrata sa ABS-CBN.

Isang drama series ang pagbibidahan ni LT at makakasama niya sina Christopher De Leon at Gabby Concepcion.

Malamang na mag-umpisa ang taping ng bagong show ni LT sa January 2009. Hindi ko pa alam ang pamagat ng drama series. Ako ang unang magbabalita sa inyo kapag nalaman ko na ang kumpletong detalye.

Hindi pa rin matatapos bago mag-Pasko ang musoleo ni Rudy Fernandez sa Heritage Park. Ayaw ni LT na madaliin ang construction ng musoleo. Gusto niya na maging pulido ang musoleo na pwedeng tirhan dahil nakita ko na ang plano.