GMA-7 nanubra ang pangangkon!

Lisud tuohan ang pangangkon sa GMA Films nga P10M ang kita sa One True Love sa opening day niini niadtong Miyerkules. Kini suma pa sa mga himantayon sa showbiz cirle. Kini tungod kay matud pa nila kung P10M pa ang kita sa pelikula nila ni Dingdong Dantes ug Marian Rivera, susama na unta kini kadaghan og sinehan nga gigamit sa James Bond movie sa SM pa lang. Pero dili ingon niini ang nahitabo ug matud pa wala linyahi og maayo ang maong pelikula. Suma pa sa kasaligang tinubdan sa PangMasa P4M ra kapin ang gross sa first day sa One True Love. Ang maong detalye, susama sa giluwatan sa www.showbizjuice.com nga matud pa, P4.5 million ra ang first day sa maong pelikula ug sa second day, mikita lamang kini og P3.8 million.

Romansang Karylle ug Christian posible

Usa ka showbiz observer ang nanagna nga karon nga mibalhin na si Karylle sa ABS-CBN, dili imposible nga dunay matigayon nga relasyon tali sa dalaga ug sa iyang leading man sa West Side Story nga si Christian Bautista. Kini tungod kay nagkasuod na ang duruha og maayo ug susama pod sila og manager, si Carlo Orosa. Gawas pa, namulong si Christian nga “wife material” si Karylle, pamahayag nga wala niini luwati niadtong nagkauyab sila ni Rachelle Ann Go.

Carmen ug John Lloyd dunay pelikula

Ang Peti Monde maoy rason nga mibalik si Malaysian actress Carmen Soo. Kini tungod kay gipaila na siya isip usa sa mga endorsers sa maong clothing company kauban nila ni Jodi Santamaria-Lacson, Cheska Garcia Kramer ug Sunshine Cruz-Montano. Didto gibutyag ni Carmen nga duna sila’y special participation ni John Lloyd Cruz sa usa ka pelikula sa Star Cinema ubos sa direksyon ni Chito Roño, nga isalida sunod tuig. Kini niya pa maoy rason nganong giintriga sila nga nag-date ni Loydie. Pero niya pa, good friends sila sa uyab sa aktor nga si Liz Uy, ug ang nauwahi pa gani maoy miingon niya nga mag-andam tungod kay sigurado nga intrigahon gyud silang duha sa aktor tungod sa pelikula.

Mariel lugwa na gyud sa FHM

“Sexiest pictorial I did.”  Kini maoy paghulagway ni Mariel Rodriguez sa iyang labing bag-ong pictorial, this time para sa FHM. “There was one super backless talaga, panty lang, ‘yong likod bare, super sexy talaga,” dugang pa niya. Kahinumduman nga sa milabay nga tuig, milugwa si Mariel sa Maxim.