Booking agent gibastos ni Regine

Butyag pa sa usa ka source sa PangMasa nga wala’y klaro nga ikasabot si Regine Tolentino. Matud pa nga si Regine ang nauyonan sa PAGCOR nga maoy performer alang sa Awards Nights sa ilang mga empleyado karong Disyembre. Usa unta ka dancer sa Bubble Gang ang kuhaon nila apan dili kini bakante busa si Regine ang nauyonan nga maoy ilang guest performer sa ilang event. Pwes, gihimo dayon sa usa ka booking agent ang negosasyon ug nagkasinabot na sila sa presyo gani karong November 30 na gikatakda ang paghatag sa talent fee ug ang pagpirma sa kontrata. Pero migawas nga gikamang sa kampo ni Regine ang negosasyon aron wala nay booking agent nga kinahanglan.

Nahiubos ang booking agent busa misuway kini og tawag ngadto ni Regine pero ang handler sa dancer-actress ang mitubag og miingon,” May kaibigan naman sa PAGOR si Regine kaya ba’t kailangan pang idaan sa booking agent?”

Ogie gikasuyaan sa mga bayot

Matud pa nila ni Direk Manny Valera ug Joel Lamangan nga dako kaayo ang posibilidad nga ma-nominate si Ogie Alcasid sa mga pinili nga award sa umaabot nga Metro Manila Film Festival tungod sa maayong pagdala sa babaye niini nga role sa pelikulang Desperadas. Pero ang problema, unsay category ni Ogie nga lalaki man siya ug babaye man ang iyang role?

Samtang gipakpakan og maayo si Ogie sa ilang shooting sa Desperadas labi na sa iyang wedding scene nga gikasuyaan sa mga kabayotan.

“‘I hate you’ sigaw ng isang bading sa akin sabay kurot,” nagkanayon si Ogie ngadto sa PangMasa.

Matud pa nga nagkasamad-samad ang kilid ni Ogie sa pagsul-ob sa iyang wedding gown gumikan kay gipapiit og maayo niya ang iyang boobs para murag tinoud tan-awon. Niadtong Sabado sa gabii ang last shooting ni Ogie sa maong pelikula.

Dingdong walay tihik-tihik

Gilingaw ni Dingdong Dantes ang mga entertainment press sa sayo niya nga Christmas ug Thanksgiving party last Saturday evening. Sa maong okasyon nagpa-raffle ang actor og mga butang sama sa DVD, upat ka mga Italian-made wrist watches nga nagkantidad og kapin sa P12,000 matag-usa. Samtang tsika pa sa PangMasa gitagsaan pa ni Dingdong og mahalon nga cellphone ang tanang mga reporters nga mitambong sa party. Tsika pa, gibana-bana nga kapin sa P1M ang gasto sa maong party. 

Samtang no comment ang actor kabahin sa lenggua sa kanhi niya girlfriend nga si Karylle kinsa miingon og “hindi na” sa interview niini sa The Buzz last week sa panguta kung gihigugma pa ba niya ang actor.