Dyowa 'di kinayang makitang babae si Aiza
May documentary-drama film na ipalalabas si Aiza Seguerra titled Isang Lahi: Pearls from the Orient kung saan gagampanan nito ang papel ni Cora Apurado bilang maybahay ng nagbabalik-pelikula na si Romano Vasquez. Bilang maybahay, nakadamit siya at kumilos ng tunay na babae. Isang resort ang location at naroon din ang magandang nobya ni Aiza na kasa-kasama niya. Pero hindi nito pinanood ang actress-singer - wala siyang ginawa kundi mamasyal sa resort pag tapos na ang syuting ay saka lang siya pumupunta sa lugar ni Aiza.
Sa kabilang banda, tawa kami nang tawa sa kwento ni Romano na leading man ni Aiza. Naaasiwa daw ito sa kissing scene nila bilang mag-asawa.
“Nang matapos ang eksena namin ay wala itong ginawa kundi bigkasin ang pwe! pwe! pwe! kung saan pakiramdam niya ay dalawa silang lalaking naghahalikan,” sabi ng baguhang aktor.
* * *
Ang daming nanood sa One True Love, pagpapatunay pa rin na sina Dingdong Dantes at Marian Rivera ang namamayagpag bilang numero unong magka-labtem sa kasalukuyan. Paligsahan sa pagtili ang mga fans ng mga bida at ni Iza Calzado.
Maswerte si Dingdong na gumanap bilang doktor dahil halikan to the max ang ginawa nito sa misis na si Joy (Marian Rivera) at sa dating nobyang si Bela (Iza Calzado).
* * *
Bukod sa pagiging magaling na singer ay pinasok na rin ni Sheryn Regis ang pag-aartista. Nakasama siya sa Love Spell at I Love Betty La Fea ng ABS-CBN.
Bukod sa pag-arte ay nakapag-release ito ng bagong album ngayong taon titled Starting Over Again na siya ring carrier single nito. Ang ibang tracks na kasama sa album ay It Must Have Been Love at Always na madalas patugtugin sa mga radyo ngayon.
Available na ang kopya ng Starting Over Again sa lahat ng music stores nationwide.
* * *
Maraming mga miyembro ng pamilya ko, kasama na ang kasambahay ang regular na nanonood ng Luna Mystika. Nagiging kaabang-abang ang mga susunod na kabanata dahil magiging dalaga na sina Luna at Celestina (Heart Evangelista).
- Latest
