Kapuso aktor ready nang maging Kapamilya
Isang malaking artist ng GMA 7 ang may balak yatang lumipat ng Kapamilya network. Nakita ang manager niya na nakikipag-usap sa isang malaking executive ng ABS-CBN. Balitang isang malaking pelikula ang inihahanda para sa kanya ng ABS-CBN.
Maganda naman ang trato ng Kapuso network sa nasabing artist. Katunayan, marami itong tinatanggap na magaganda at malalaking project kaya nakapagtatakang nagbabalak itong lumipat. O baka naman pelikula lamang ang pinag-usapan ng kanyang manager at ng lady executive hindi ang paglabas niya sa TV ng kalabang network. Ano kaya?
* * *
Dalawang singer ang magkasabay na inilunsad this week.
Ang una ay si Mann, isang foreign singer na unang dumating ng bansa isang taon at kalahati na ang nakararaan. Sa kabila ng nakita niyang kahirapan, agad-agad ay nagustuhan niya ang ating bansa. Ipinangako niyang babalik siya at tutulong sa abot ng kanyang makakaya para maibsan ang ating kahirapan at ang kinakaharap nating krisis sa ekonomiya. Sa pamamagitan ng kanyang musika, naniniwala siyang mabibigyan niya tayo ng inspirasyon, motibasyon para mag-isip ng maganda.
Isang album niya ang ini-release ng Pinoy Breaking Free Records. Ito ang Love & Heart, an education in love at nagtatampok sa anim na awitin at isang bonus acoustic track ng You’re Mine.
Hindi lamang isang artist si Mann, isa rin siyang motivator, who wants to ignite change through his music of love and the positivity that emanates from it.
* * *
Ang ikalawang singer ay mula naman sa Concorde Records, isang beterano ng mga singing contest, isang OFW dahil kumanta na sa maraming bansa sa Asya at ngayon ay hindi muna aalis dahil gumawa ng isang self-titled album na kailangan niyang i-promote.
Siya si Lemuel Santos, dalawang taong kumanta sa Taiwan kasama ang kanyang banda. Dapat ay anim na buwan lamang sila dun pero nagustuhan sila kaya na-extend ang stint nila ng dalawang taon at pinarangalan pa siyang best vocalist at best band naman ang grupo niya ng taong 2007.
Inaasahan ng tinataguriang newest hunk balladeer in the OPM scene na magugustuhan ng mga tagapakinig ang kanyang album na nagtataglay ng mga komposisyon nina Ferdie Gordon, Jimmy Borja at Joel Abad. Ito Mahal ang carrier single.
May concert si Lemuel sa Disyembre 10 sa Tubay Grill sa 10th Avenue, Caloocan City. Makakasama niya sina Lolita Carbon, Mike Hanopol at DJ Alvaro.
* * *
Muling ipinamalas ni Alessandra de Rossi sa Maalaala Mo Kaya sa ABS-CBN kagabi kung bakit isa siya sa may pinaka-maraming acting awards sa mga kabataang aktres ngayon. Isang napakagaling na pagganap na worthy of another award ang ginampanan niya bilang si Eloisa, isang babaeng may cancer. Subalit ang cancer na ito ay hindi pumipigil sa kanya para ibigay ang lahat-lahat para sa kanyang mga mahal sa buhay.
* * *
Bilang regalo ngayong Pasko sa kanilang loyal subscribers, naglunsad ang ABS-CBN Interactive ng isang omnibus text promo na magbibigay ng tsansa sa mga texter na manalo ng something BIG (P10,000 CASH daily), something WILD (trips for 2 to Batanes, Boracay or Singapore for 2 airfare and accommodations included) weekly OR (Shangri La Hotel gift certificates worth P18,000 weekly) and something LOADED (P1,000,000 CASH) in the Grand Draw!
To join, subscribe to: something EXCITING- Kapamilya TV services (Text KRINGLE TV to 2366 for a list); something YUMMY - Celebrity MMS services (Text KRINGLE KTEXT to 2366 for a list); something HOT- MYX Music services (Text KRINGLE MUSIC to 2366 for a list); Something FUN - Mobile Games (Text KRINGLE GAMES to 2366 for a list).
To qualify for the promo, register once for FREE by texting KRINGLE REG <name/age/gender/address> to 2366. For example: KRINGLE REG Jops Abella/28/M/1 Don St., QC. This promo will run from November 15, 2008 to January 10, 2009.
* * *
Sino kaya itong bagong nililigawan ni Patrick Garcia? Kikilalanin siya ng Showbiz Central ngayong hapon kaya samahan sa pagtutok ang mga interesadong malaman ito. Aamin na kaya siya tungkol kay Glaiza de Castro?
Happy na sa buhay niya si Matet de Leon pero, anong mga lihim niya ang mabubunyag sa pagsalang niya sa Love Me, Hate Me But Don’t Lie To Me?
Dalawa lamang ito sa mga tsismis na idedetalye ng nangungunang showbiz talk show ng bansa.
* * *
Isang kagulat-gulat na pangyayari ang naganap kagabi sa paghahanap nina Tiny Tony (John Prats) at Gil Gante (Mura). Maglalaban kaya sila? May bukingan kayang magaganap sa kanilang pagtatagpo sa Komiks Presents Mars Ravelos Tiny Tony na masusubaybayan tuwing Sabado pagkatapos ng The Singing Bee sa ABS-CBN.
- Latest
