Vina sa Amerika manganak?

Dunay mga mitambag matud pa nga paryente ni Vina Morales nga mas maayo nga magpabilin una siya sa Amerika— diin kasamtangan siyang nagpahigayon og series of shows—aron adto na lang siya manganak. Kini kay matud pa klaro na gyud ang tiyan sa singer/ actress ug hayan dili makaayo niya mobyahe pa balik sa Pilipinas. Gawas pa kauban ni Vina ang iyang papa didto busa mas makaayo nga adto na lang matud pa siya manganak aron malikay pod sa dugang kontrobersiya kun anhi siya sa nasud ilabi na nga gikatahong giproseso pa sa amahan sa bata ang annulment sa kasal niini.

Marian ug Dingdong muangkon na

Nagkasabot na matud pa sila si Dingdong Dantes ug Marian Rivera nga unya na og mahuman ang ilang third TV project sunod tuig nila angkonon ang tinuod nila nga relasyon. Pero miingon ang mga himantayon nga mas maayo nga karon pa lang muangkon na sila kung tinuod ba gyud sila tinuod o magpaabot pa sunod tuig tungod kay hayan mapungot na nuon kanila ang publiko.

Rizza Santos nameligro

Posible matud pa nga mag-atubang gyud og kiha si Rizza Santos tungod kay wala niini tumana ang nalatid sa iyang gipirmahan nga endorsement contract alang sa usa ka clothing company. Nasayran nga nakuha na ni Rizza ang kinatibuk-ang bayad sa mao niyang endorsement ug duna pay pipila ka buwan una kini mapupos. Pero tungod kay matud pa pasaway si Rizza pinaagi sa pagdumili og tungha sa mall tours sa maong produkto gitangtang siya ug gipulihan ni Christine Reyes nga kauban ra niya og agency, ang Viva Artist Agency.

BrazIlians Daiana ug Ariana nagsumpaki

Mi-resign si Daiana Menezes sa gag show nga Ogas sa TV5 tungod kay matud pa kanunay sila nga mag-away sa sama niyang Brazilian nga si Ariana Barouk. Suma pa nga 13 episodes gyud unta ang nauyonan sa management ug sa kampo ni Daiana, apan wala na mo-renew ang nahisgutang Brazilian human sa usa ka season. Pero ang opisyal nga pamahayag sa iyang kampo mao nga kinahanglan nga mobiya ni Daiana aron duna siya’y kaugalingong identity ug aron pod siya maka-concentrate sa Eat Bulaga diin naila siya isip “Money Girl.”

Donna mosalmot sa US marathon

Dunay bag-ong gika-busyhan ang kanhi Viva recording artist nga si Donna Cruz dinhi sa Sugbu. Kini mao ang pagpangandam alang sa salmutan niya ug sa iyang bana nga si Dr. Yong Larrazabal, nga 10-miler marathon nga ipahigayon sa San Francisco Sur karong April 2009.

“Isang buwan na akong nagte-training in preparation for the race,” nagkanayon si Donna ngadto sa The Freeman Entertainment. I have been running every day for one month now. Kaya ko na i-cover ang distance na 5 kilometers for 34 minutes. Ang goal ko ay makaabot ng time na 28 minutes for the same distance.”

Kristine good influence ni Oyo

Giangkon ni Oyo Boy Sotto nga si Kristine Hermosa maoy nagdasig niya aron subling mobalik og tungha. Pareho sila nga nakapasar sa UP Open University. Pwes, balik og tungha si Oyo. Pero dihang gipangutana kun uyab na ba gyud sila ni Tin, tubag ni Oyo: “Hindi po. Hindi rin po MU. Pero kasi ano, nag-usap po kami ni Tintin na ayaw po naming mag-jump in sa isang relationship. Parang sabi namin bahala na lang kung saan tayo dalhin. Kasi kung magkaroon kami ng relasyon ngayon masyadong complicated, eh. Magkakaroon ng rules na parang, ‘O, hindi ka na pwedeng ganito, ganyan.’ May selosan. Maraming arguments ‘di ba? ‘Yung konting ano lang mag-aaway tayo. Kaya sabi namin, ganito na lang tayo best friends.  So, bahala na lang kung saan tayo dadalhin.”