Jennylyn gigamit ni Mark aron mosikat

Butyag pa sa mga tsismosa nga kataw-anan karon over ka concern ni Mark Herras sa iyang ka-loveteam nga si Jennylyn Mercado. Matud pa nga showbiz na showbiz kaayo ang mga lihok ni Mark kay tataw kaayo nga gusto lang niini nga mohayag pagbalik ang kasikat sa team-up nila karon ni Jennylyn.

 Dugang pa nga walay klaro ang panagbuwag sa duha niadto pero kung kahinumduman gidudahan nga ang pagka babaero ni Mark ang hinungdan , pwes butyag pa sa mga himantayon nga kataw-anan ra kaayo ang pagka-concern karon ni Mark ngadto ni Jennylyn.

Suma pa sa pipila ka himantayon nga nahinabi sa PangMasa gituyo ra ni Mark nga magpakita og labihan nga concern kang Jen aron muhumot og balik ang iyang career sanglit nag-anam naman ka lawos ang kasikat sa young actor.

Mel Pulmano mas sikat pa kay ni Angel?

Matud pa sa mga obserbasyon nga mihinay na karon ang pangalan ni Angel Locsin sa showbiz industry.

Gani dunay usa ka himantayon nga mikomentaryo ngadto sa PangMasa nga tataw kaayo nga mas sikat na hinoun karon ang pangalan sa kanhi road manager ni Jennylyn Mercado nga si Mel Pulmano. Suma pa nga tungod sa kontrobersiya tali ni Mel ug Becky Aguila, nahisgutan na lang og apil ang ngalan ni Angel.

Matud pa nga dili na gyud ikalimod nga hinay na gyud ang popolaridad karon ni Angel bisan pa man nga naa kini kasamtangang gibuhat nga pelikula sa Star Cinema. Dili sama niadto nga daghan kini og proyekto sa dihang wala pa kini motikang sa ABS-CBN gikan sa GMA-7.

Oyo boto sa reunion ni Kristine ug Echo

Dakong uyon si Oyo Sotto sa subling panag-pares nila ni Kristine Hermosa ug Jericho Rosales pinaagi sa usa ka episode sa Maalaala Mo Kaya. 

“Natutuwa nga ako kasi sabi ko, nung time nila, grabe ‘yung loveteam nila. Kaya nung sinabing ibabalik ang loveteam nila, sabi ko, okay ‘yan, tingin ko, mas magwo-work kaysa kay TJ Trinidad. No offense meant naman kay TJ, pero parang mas boto ako kina Kristine and Echo as loveteam, kasi nakakabelib yung show nila noon, eh, grabe. Naaalala ko, nanood pa ako no’n ng Pangako sa Yo,” nagkanayon si Oyo ngadto sa PangMasa.

Samtang subling giklaro ni Oyo nga dili sila uyab ni Kristine gumikan kay wala sila’y commitment sa usag-usa. Pero aminado ang aktor nga si Kristine lang ang iyang gi-date karon nga babaye. Giangkon usab ni Oyo nga nagkahigugmaay sila sa usag-usa isip higala pero wala niya papasa ang posibilidad nga magka relasyon sila sa dili madugay.

“Puwede. Sa tingin ko naman. Kasi alam naman naming mahal namin ang isa’t isa. But still, parang sinasabi na lang namin na bahala na lang kung saan kami dadalhin,” ni Oyo pa.

Kasamtangan nga apil si Oyo sa Iskul Bukol..20 Years After nga movie ug siya maoy mihulip ni Paolo Contis isip bida sa Midnight DJ sa TV5.

Lover’s night sa Katrina concert

Gipanglantawan nga mahimong lover’s night ang mahitabo karong gabii sa    “4 D First Time” concert ni Katrina Halili sa Metro Bar, West Ave diin uban niya sila si Joross Gamboa, Dr. Hayden Kho ,Ronnie Liang ug Erik Santos.

Kung makabalik na sa Pilipinas ang rumored boyfriend ni Katrina nga si Kris Lawrence segurado nga motan-aw kini sa concert. Samtang dili usab magpatalbog si Joross kay molantaw ang bag-o niya nga ka-date karon nga usa ka Fil-am print ad model. Samtang si Dr. Hayden seguradong molantaw ang girlfriend niini nga si Dra. Vicky Belo.

Anne dili mutuo nga manguyab si Sam ni KC

Dili matubag ni Anne Curtis ang pangutana kung duna ba’y tsansa nga magkabalik sila ni Sam Milby. “And then, who knows? Let’s see,” lenggua pa ni Anne.

Dili usab motoo ang young actress sa tsismis nga plano ni Sam nga pangulitawhan si KC Concepcion gumikan kay bag-o pa lang milutaw ang maong istorya.

Alam mo ‘yun, throughout the whole ano, iba ‘yung nababanggit. “Biglaan nga ‘yan, I don’t think there’s really any truth on that. If ever there is anything, magkakaibigan lang kaming lahat. Walang ganu’ng isyu,” say pa ni Anne. (Sanden J. Anadia)