Camille labing bogo nga Bond girl?

Si Camille, ang latest Bond girl pinaagi sa “Quantum of Solace” nga gihatagan og kinabuhi sa Ukraine born nga si Olga Kurylenko, matud pa sa Rolling Stone magazine ang “perhaps the dullest Bond girl ever.” Suma pa nga wala gyuy gamit si Camille sa istorya.

Duna say mga himantayon nga misaway sa latest Bond movie tungod kay matud pa kuwang kaayo kini sa sex, buot nila nga daghanon ang mga init nga eksena tali ni James Bond ug sa iyang leading ladies. Napungot ang mga fans sa maong movie franchise tungod kay wala gyud matud pa makauban ni James Bond si Camille sa kama lahi sa nakalabay nga mga pelikula.

Pero nanalipod si Olga sa iyang character nga lahi si Camille sa mga nakalabay nga Bond girls. “Now the Bond girl has become very different, and mine is very different,” nagkanayon ang actress.

Suma pa niya nga gamit kaayo si Camille sa istorya ug dako kaayo kini og natabang ngadto sa pakigbisog ni James Bond. “She’s very strong, almost an equal to Bond, very feisty, has her own mission, independent. She’s just a strong woman,” hulagway pa niya…Gikan sa www.yahoo.com