Rachelle dili pahuwaton ni Gab

Sa March, 2009 pa mobiya si Gabriel Valenciano para mutungha sa Full Sail University sa Florida, Miami, USA, pero karon pa lang naguol na kini kay iyang mabiyaan sulod sa duha ka tuig ang iyang special girl nga si Rachelle Ann Go. Kuyog nga mitan-aw sa concert ni Sarah Geronimo sa Araneta Coliseum niadtong Sabado sa gabii. Matud ni Gab nga dili niya ingnon si Rachelle nga paabuton ang iyang pagbalik tungod kay dili kini makiangayon ngadto sa dalaga.

Dingdong Dantes vs. Mark Herras

Ang One True Love sa GMA Films ug ang Sapi maoy magtigi sa box office karong November 19. Bida sa GMA Films movie sila si Marian Rivera, Dingdong Dantes ug Iza Calzado, samtang si Mark Herras ang pambato sa Sapi. Pero matud pa sa producer sa Sapi nga usa ka indie movie, wala sila mabalaka sa maong panagtigi sa takilya tungod kay lahi ang ilang market ug lahi pod ang sa One True Love.

Senator Revilla Sr. palitan og rescue van

Gitakdang palitan sa mga Revilla og van si kanhi Senador Ramon Revilla, Sr. sa Amerika. Ang maong van matud pa sa beteranang kolumnista sa PangMasa manay Cristy Fermin susama sa mga van nga gigamit sa Rescue 911 sa Amerika, nga haom gyud para sa dunay gihambin nga balatian nga kanhi senador. Kasamtangan karon nagpahuway ang nahisgutan sa ilang mansion sa Cavite.

John Lloyd andam na makighawok ni Luis

Subling giklaro ni John Lloyd Cruz nga wala siyay problema sa umaabot nga kissing scenes nila ni Luis Manzano sa comeback movie ni Governor Vilma Santos para sa Star Cinema sunod tuig. Bayot ang papel ni Luis ug si Loydie ang uyab niini sa maong pelikula. Suma pa ni Loydie nga ready na siya sa ilang kissing scenes ni Luis ug para niya trabaho lang ang tanan para nila busa wala siyay reklamo.

Carlo amang mahitungod ni Roxanne

Giangkon ni Carlo Aquino nga tinuod nga mag-date sila ni Roxanne Guinoo usahay ug giklaro niya nga duna silay laing mga kauban. Nakadayeg usab siya ni Roxanne kay niya pa, gwapa na, buotan pa. Pero nagdumili si Carlo pagluwat og pamahayag kalabot sa tinuod nga estado nila ni Roxanne pagkakaron. Basta niya pa, inig abot sa tukmang panahon mutug-an ra siya ug dili niya itago ang tinuod nga detalye.

Lahi nga Kim ang maaninaw sa bag-ong serye

Lahi nga Kim Chiu ang maaninaw sa iyang mga fans sa iyang pagbalik sa primetime television pinaagi sa teleserye nga “ Tayong Dalawa” kauban sila si Gerald Anderson ug Jake Cuenca. “Hindi na katulad dati na comedy and makulit lagi yung dating ko. Yung character ko kasi ngayon ugly duckling siya nung bata pa siya. Tapos habang tumatanda, kung anu-ano ginawa niya para lang mahalin siya ng iba’ng tao kasi longing siya for the love of her dad kasi hindi siya nito mahal for some reasons na dapat abangan ng viewers. Kung bakit hindi siya mahal ng dad niya at lagi siyang binubugbog. So malalim yung pinaghuhugutan nung character.”

Bea ganahan masuod si Roxanne

Naglaom si Bea Alonzo nga sa sunod nga panag-uban nila ni Roxanne Guinoo dili na puros negatibo nga isyu ang maghigot nila o dili na sila sabungon. Kini human sa Guam controversy, diin hugtanong gipanghimakak ni Bea nga duna siyay kalambigitan sa isyu tali nila ni Roxanne ug Jake Cuenca. “Roxanne and I are okay. Kaya nga lang lagi pinagko-cross ‘yung path namin. Tapos laging bad ‘yung issue. So, sana naman next time good naman. Malay mo siya pa ‘yung isa sa magiging close friends ko in the future like Angelica (Panganiban) now. Nakakatawa nga kasi laging pinagku-krus ang landas namin. Sana maganda naman because I know she has a good heart.” Ni Bea pa, andam siya nga makauban si Roxanne sa pelikula o teleserye.