Karylle disente ug dunay breeding

Nagpa-interview na karon si Karylle pero dili na kini mutubag og pangutana kabahin sa ilang break-up ni Dingdong Dantes kundi ang iyang gihisgutan mao lang ang excitement niya sa iyang pagkanta sa Philippine National Anthem sa Paquiao-De la Hoya fight sa MGM Grand Hotel Gardens sa December 6. Nagpasalamat si Karylle sa mga mihatag og suggestion ngadto sa GMA Network nga siya ang pakantahon. Sa dili madugay motikang na si Karylle sa States para makauban   ang iyang mommy Zsa Zsa Padilla ug ang iyang sister Zia nga tua karon sa maong dapit .  

Samtang gidayeg si Karylle sa beteranang kolumnista sa PangMasa manay Lolit Solis tungod kay wala gyud siya’y dautang pulong nga giluwatan batok ni Dingdong sa iyang interview ni entertainment editor Ricky Lo nga napatik sa Philippine Star kagahapon. Ang mga tubag ni Karylle matud pa ni Manay Lolit nagpakita lang nga disente ug duna gyud kini breeding nga matang sa pagkababaye. Nasayran nga sa pangutana kun loyal ba si Dingdong niya, mitubag si Karylle nga, ““Basta ang masasabi ko lang diyan...I asked him and he said...teka, ano ba ang sinabi niya? He said he never cheated on me and I trusted him.” Sa pangutana kun duna bay “third party involved”, tubag ni Karylle nga nagkatawa “Basta, all I can say is that I asked him and he said, ‘None.’ Kanino pa ba naman ako magtatanong? So, I trusted him with that answer.” End of September sila nagbuwag ni Dingdong.

Fear Factor gipangandaman sa Survivor Philippines

Daghan ang nabitin nga mga manglantaway sa Survivor Philippines sa GMA-7 niadtong Biyernes sa gabii kay wala pa gipakita kung si kinsa ang matagak sa maong reality show. Sa pagkakaron tag-upat ang botos nila ni Kiko ug Marlon ug naa nilang duha kung kinsa ang matagak diin mahimo na kini og second member sa jury sa Tribal Council ug makauban si Jayce Flores. Gikilig si Veronica sa dihang nakakita ni Jayce diin kini na-blanko sa pangutana kaniya ni Paolo Bediones , ug igo lang kini mitubag og: “Ang guwapo kasi ni Jayce!”

Samtang tsika pa sa mga himantayon nga gituyo sa GMA-7 nga karong gabii na ipahibawo ang labing bag-ong castoff sanglit malugwa man ang higpit niini nga karibal, ang Fear Factor, sa ABS-CBN nga napanlantawan nga hulga sa taas nga rating sa Survivor Philippines.

Joseph aktor na gyud sa Walang Kawala

Positibo ang mga reaksiyon nga nadawat ni Joseph Bitangcol sa iyang performance sa pelikulang Walang Kawala (No Way Out) sa advance screening niini sa UP Film Institute sa miaging semana. Si Joseph midala isip Waldo, ang gay lover ni Polo Ravales .Butyag pa sa aktor nga sakto lang gyud diay nga iyang gidawat ang maong role kay positibo man ang resulta niini.

“Natutuwa ako kasi kabado ako noong una. Hindi ko alam ang feeling kapag may ganito kang pelikulang ipapalabas. Siyempre, hindi naman tayo sanay. Pero noong may mga pumupuri na, nakakatuwa. Ngiti lang ako nang ngiti. Parang nasa langit ako,” malipayong padayag ni Joseph ngadto sa PangMasa.

Pinky Amador bata ang fafa

Pahuway sa pagkakaron si Pinky Amador sa pakigrelasyon sa mga foreigners gumikan kay usa na ka Pinoy ang iyang uyab karon. Hinuon wala gililong ni Pinky nga mas bata pa niya og edad ang boyfriend niya karon.

“For a change, bata naman ang subukan ko!” ni Pinky pa ngadto sa PangMasa.

Wala panumbalinga ni Pinky ang edad kay ang importante kaniya komportable sila sa ilang panag-uban.

Samtang nalakip karon si Pinky sa cast sa bag-ong GMA Sine Novela nga Saan Darating Ang Umaga diin siya ang kontrabida nga sa mag-inahan ug anak nga sila si Lani Mercado ug Yasmien Kurdi. (Sanden J. Anadia)