Karylle tulo ka regular shows ang nagpaabot

Human sa kumpirmasyon nga mobalhin na gyud si Karylle sa ABS-CBN human niya makompleto ang iyang mga responsibilidad sa GMA-7 ilabi na ang pagkanta niya sa Philippine National Anthem sa Manny Pacquiao-Oscar dela Hoya fight in Las Vegas, Nevada sa Dec. 6., nasagap sa PangMasa ang balita kagahapon mao nga sa tunga-tungang bahin pa sunod buwan makita si Karylle sa Kapamilya Network.

Dugang tsika nga nasagap sa PangMasa mao nga sa usa ka episode sa Maalaala Mo Kaya unang mulugwa si Karylle. Isulod pod siya sa Betty La Fea ug sa ASAP ’08 diin makauban na niya ang iyang inahan nga si Zsa-Zsa Padilla. Dugang pa nga duna pay giandam ang ABS-CBN nga usa ka soap opera para ni Karylle pero wala pa kaayo kini detalye pagkakaron.

Anne napungot sa migawas nga balita

Nahibalik na gikan sa iyang bakasyon sa Amerika si Anne Curtis ug kun mahinayon ang unang plano mulugwa siya sa The Buzz karong hapon aron tubagon ang tanang pangutana may labot sa panagbuwag nila ni Sam Milby. Nasayran sa PangMasa nga wala diay makauyon si Anne sa mga nanggawas nga balita nga murag migawas siya nga usa ka “play girl” tungod kay gilambigit siya sa iyang leading man sa Baler nga si Jericho Rosales ug sa usa ka car racer..