Advisers ni Gabby puro mas bata
Kahit matagal nang wala sa The Eraserheads si Ely Buendia at mayro’n na ring matatag na banda, ang Pupil, marami pa rin ang hindi aware dito at palaging nasa isip na bahagi pa rin ito ng kanyang original band. Not even the word reunion ay nagkaro’n ng impact nang muli itong atakihin ng kanyang sakit sa puso habang nagpi-perform kasama ang kanyang mga dating ka-miyembro.
Sa lahat ng mga tagasubaybay ng mga bansa, Ely Buendia will always be an Eraserhead.
Ngayong November, ang No. 1 music channel sa Pilipinas, ang MYX, ay magkakaroon ng isang month-long festival kung saan tampok ang The Eraserheads.
Una rito ang MYXPOSED: The MYX Eraserheads Documentary. Masasaksihan ang isang detalyado at kumpletong television docu tungkol sa kanila. Isang weekly four-part docu special na tumatalakay sa kanilang pinanggalingan, ang kanilang pagsikat, mainstream success, break-up at evolution upang maging Cambio, hanggang sa kanilang reunion.
Mapapanood ang first episode ngayong 9:30 p.m. at ang mga susunod na episodes ay mapapanood tuwing Martes, buong buwan.
May schedule ng replay sa Sky Cable Channel 23, at bisitahin ang official website na www.myx.tv para sa ibang updates.
* * *
Magkakaro’n ng kanyang 25th anniversary concert sa Araneta Coliseum si Gary Valenciano sa Nobyembre 14 at 15. Makasisiguro ng isang magandang palabas ang lahat ng manonood mula sa tinaguriang Mr. Pure Energy at Total Entertainer dahil hindi lamang siya kumakanta at sumasayaw kundi isa ring mahusay na aktor na gaya ng pinatunayan niya sa mga pelikula niyang Kaputol ng Isang Awit at Natutulog Pa ang Diyos.
* * *
Napatunayan ni John Prats na maraming sumusuporta at nanonood sa kanyang Komiks Presents Mars Ravelo’s Tiny Tony na mapapanood tuwing Sabado sa ABS-CBN. Marami ang pumunta sa nakaraang Kapamilya Funtaserye Day sa SM North EDSA at napuno ang activity center ng nasabing mall.
Sa pagpapatuloy ng kuwento, makakahanap na ng pruweba si Tony (John Prats) na hindi siya ang pumatay kay Dr. Morgan (Pen Medina) dahil nakita nila ni Jumbo (Gerard Acao) ang hidden camera sa laboratoryo.
Para sa karagdagang updates, mag-log on lang sa www.abs-cbn at www.komikspresents.multiply.com.
* * *
Kakatuwang malaman na adviser pala ang role ni Pops Fernandez sa buhay ni Gabby Concepcion. Marami kasi ang nagdidikit ng pangalan nila at binibigyan ng kulay ang kanilang friendship, pero, nilinaw na ito ng balikbayang aktor at sinabing tagapayo lamang niya si Pops.
Hindi ba mas bata sa kanya ang singer-actress? Bakit kaya hindi siya humanap ng mas nakatatanda para magbigay ng advice sa kanya?
- Latest
