Patrick Garcia grounded ngadto sa anak

Gisulti ni Jennelyn Mercado nga bisan unsay mahitabo dili siya motugot nga makita ni Patrick Garcia ang ilang anak.

Ug kung huna-hunaon iyaha usab kining katungod tungod kay dili man usab sila kasado ug sa legal nga basehan giingon nga kung dili kasado ang mga ginikanan sa bata ang ilang anak ang maadto sa inahan ug dili makagukod niini si Patrick.

Apan kung moral ang basehan dunay katungod si Patrick tungod kay siya maoy amahan sa bata.

Dihang ipakasal na unta sila nagduha-duha si Patrick sa iyang huna-huna ug dihang manganak na si Jennelyn gipili niini nga magpalayo una aron usab malikayan ang mga tsismis ug intriga.

Sa maong sitwasyon dili ang amahan sa bata ang mag-antos, dili usab ang amahan ang apektado tungod kay naa na kini sa saktong panghuna-huna ug posibleng magminyo kini sa lain ug makabaton usab og laing anak ug matabonan kung unsay iyahang kahiubos.

Apan ang bata kaha matabonan ba ang kahiubos niini kung sa tibuok kinabuhi niyang sagubangon ang kamatuoran nga wala siya’y amahan tungod kay dili mosugot ang iyang inahan nga maila niya kini? 

Anne Curtis bug-at ang dughan

Naglulinghayaw karon ngadto sa Amerika si Anne Curtis uban sa iyang mga higala apan ang maong lulinghayaw sa aktres ang walay kwenta tungod kay bug-at ang iyang dughan dihang mibiya siya tungod sa pagkaguba sa ilang relasyon ni Sam Milby.

Laing example na usab sa relasyon nga gitagoan sa dugay nang panahon, diin pulos panghimakak lang ang imong mabatian gikan sa mga tawong nalambigit niini.

Apan kung ang duha ang magkabuwag na anha pa mahibaw-i ang tinuod nilang relasyon.

Pangutana sa mga tsikadora mao nga “unsa may maguba kung walay relasyon nga namugna tali nilang duha? Ug nganong gihilakan ni Anne ang ilang panagbuwag, kung wala silay relasyon?”

Milihay sila si Anne ug Sam sa mga isyu diin ilang gibarogan ang linyang “we’re just friends” apan ilang gipalutaw ang linyang “we’re exclusively dating”.

Ang tsika nga kung exclusively dating sila buot ipasabot nga dili sila mokuyog sa lain, ekslusibo na sila sa usa’g –usa.

Apan daghan sa ilang mga higala ang misulti nga “huwag na kayong magulat kung isang araw, e, sila na naman. Hindi na bago sa amin ganyan, mag-aaway sila ngayon, pero bukas, makalawa, sila na naman”. (Brenda D. Batuto)